Formúla 1

Fyrstu tvær keppnir formúlutímabilsins fara fram á sömu brautinni

Óskar Ófeigur Jónsson skrifar
Lewis Hamilton hefur titilvörn sína í Austurríki 5. júlí næstkomandi.
Lewis Hamilton hefur titilvörn sína í Austurríki 5. júlí næstkomandi. EPA-EFE/Zsolt Czegledi

Formúlan ætti að vera byrjuðu fyrir mörgum mánuðum en hún átti að hefjast þegar kórónufaraldurinn stoppaði alla íþróttaviðburði í marsmánuði.

Fyrsti kappakstur tímabilsins átti að fara fram í Ástralíu 15. mars en keppni var frestað aðeins nokkrum klukkutímum fyrir ræsingu.

Öllum keppnum í formúlu eitt var síðan frestað og fljótlega varð það ljóst að ekki væri hægt að koma þeim öllum fyrir þegar keppni gæti hafist á nýjan leik.

Formúlu eitt tímabilið hefst 5. júlí næstkomandi með keppni í Austurríki og átta keppnir munu fara fram á tíu vikum. Engir áhorfendur verða leyfðir á þessum keppnum.

Allar þessar keppni munu fara fram í Evrópu og á sex brautum. Það fara nefnilega fram tvær keppnir í Austurríki og á Silverstone brautinni í Englandi.

Átta keppnir eru algjört lágmark til krýna heimsmeistara í formúlu eitt en forráðamenn formúlunnar ætla sér að bæta við keppnum seinna á tímabilinu. Tímabilið mun því fara eitthvað lengra inn á veturinn.

  • 2020 tímabilið í formúlu eitt:
  • 5. júlí - Spielberg brautin í Austurríki
  • 12. júlí - Spielberg brautin í Austurríki
  • 19. júlí - Búdapest í Ungverjalandi
  • 2. ágúst - Silverstone brautin í Bretlandi
  • 9. ágúst - Silverstone brautin í Bretlandi
  • 16. ágúst - Barcelona á Spáni
  • 30. ágúst - Spa-Francorchamps brautin í Belgíu
  • 6. september - Monza brautin á Ítalíu



Fleiri fréttir

Sjá meira


×