Viðskipti erlent

Stærsta líkams­ræktar­keðja Norður­landa lokar stöðvum í hálfan mánuð

Atli Ísleifsson skrifar
Sats rekur stöðvar undir merkjum Sats, ELIXIA, Fresh Fitness, HiYoga, Balance og Metropolis.
Sats rekur stöðvar undir merkjum Sats, ELIXIA, Fresh Fitness, HiYoga, Balance og Metropolis. Facebook-síða Sats

Sats, stærsta líkamsræktarstöðvakeðja Norðurlanda, hefur ákveðið að loka öllum stöðvum sínum næsta hálfa mánuðinn. Frá þessu greinir Dagens Næringsliv í Noregi, en aðgerðin miðar að því að leggja sitt á vogarskálarnar til að hefta útbreiðslu kórónuveirunnar.

Sats er norskt fyrirtæki en starfrækir um 250 líkamsræktarstöðvar í Noregi, Svíþjóð, Danmörku og Finnlandi.

„Sem leiðandi aðili á markaði á Norðurlöndum er það mikilvægt fyrir Sats að axla ábyrgð og leggja sitt til almennrar lýðheilsu, einnig í erfiðum aðstæðum eins og þessum,“ segir í yfirlýsingu frá Sats.

Lokunun tekur gildi á hádegi í dag og til að byrja með mun hún gilda næstu fjórtán daga.

Sats rekur stöðvar undir merkjum Sats, ELIXIA, Fresh Fitness, HiYoga, Balance og Metropolis.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Engar hækkanir skráðar í dag

Mesta lækkun dagsins


Engar lækkanir skráðar í dag
Velkomin á Vísi. Þessi vefur notar vafrakökur. Sjá nánar.