Innlent

Leit að skipverjanum stendur enn yfir

Andri Eysteinsson skrifar
Björgunaskip Vopna á Vopnafirði
Björgunaskip Vopna á Vopnafirði Vísir/Vilhelm

Uppfært klukkan 06:19, 19.05.: 

Hlé var gert á leit Landhelgisgæslu, lögreglu og björgunarsveita á Vopnafirði að skipverja sem saknað hefur verið síðan í gær skömmu eftir miðnætti. Leitinni verður haldið áfram í dag, samkvæmt frétt RÚV.

Sveitir Landhelgisgæslu, lögreglu og björgunarsveitarinnar Vopna á Vopnafirði leita enn að skipverjanum sem talinn er hafa fallið fyrir borð af fiskiskipi á leið þess til hafnar fyrr í dag.

Á meðal þeirra sem sinnt hafa leit er hópur fimm kafara. Gert er ráð fyrir því að leit haldi áfram framundir miðnætti og byrji að nýju í fyrramálið hafi hún ekki skilað árangri. Þetta kemur fram í tilkynningu lögreglunnar á Austurlandi.

Tilkynning barst upphaflega um klukkan tvö í dag. Björgunarsveitin Vopni kemur að leitinni með björgunarskipi, gengið er í fjörur auk þess sem að kafarar gæslunnar eru að störfum en þyrla Landhelgisgæslunnar lenti á Vopnafirði um klukkan 19 í kvöld.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×