Innlent

Sjómanns saknað af fiskiskipi: Þyrla með fimm kafara send á Vopnafjörð

Jóhann K. Jóhannsson skrifar
Vopnafjörður
Vopnafjörður Vísir/Vilhelm

Þyrla landhelgisgæslunnar TF-GRO lenti nú um klukkan sjö á Vopnafirði með fimm kafara úr séraðgerðasveit, vegna leitar að manni.

Samkvæmt upplýsingum fer lögreglan á Austurlandi með vettvangsstjórn málsins en auk gæslunnar eru lögreglumenn og björgunarsveit við leit.

Í tilkynningu frá lögreglunni á Austurlandi segir að klukkan tvö í dag hafi borist tilkynning um að skipverja af fiskiskipi væri saknað eftir að skipið kom til hafnar í Vopnafirði.

Leit hófst í kjölfarið og stendur enn. Björgunarsveitin Vopni á Vopnafirði kemur að leitinni með björgunarskip auk þess sem fjörur eru gengnar. Þá er von á þyrlu Landhelgisgæslunnar og með henni kafarar Gæslunnar.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×