Hörkustuð í samanklipptu Þjóðhátíðarmyndbandi

Stuðlabandið kom frá á Þjóðhátíð í Vestmannaeyjum á stóra sviðinu í Herjólfsdal síðasta sumar og var vel tekið í prógram bandsins.

Bandið sendi frá sér myndband fyrir viku á Facebook þar sem búið var að klippa saman helstu flutninga bandsins á þekktum lögum og hvernig dalurinn tók undir.

Myndbandið hefur fengið töluverða athygli á Facebook og hefur verið horft á það yfir tuttugu þúsund sinnum.

Stuðlabandið lék fyrir dansi fjögur ár í röð á Þjóðhátíð en nú liggur hreinlega ekki fyrir hvort Þjóðhátíð fari yfirleitt fram í Vestmannaeyjum þetta árið vegna kórónuveirunnar sem veldur Covid-19 sjúkdómnum.

Þórólfur Guðnason, sóttvarnarlæknir, hefur mælst til þess að engar hátíðir með fleiri gestum en tvö þúsund fari fram hér á landi í sumar og eins og margir vita eru Þjóðhátíð mun stærri hátíð.

Hér að neðan má sjá myndbandið sjálft frá Stuðlabandinu.