Viðskipti innlent

Gerðu raf­orku­kaupa­samninga við eþíópíska ríkið sem hlaupa á hundruðum milljarða

Atli Ísleifsson skrifar
Guðmundur Þóroddsson (til vinstri) er stjórnarformaður Reykjavík Geothermal.
Guðmundur Þóroddsson (til vinstri) er stjórnarformaður Reykjavík Geothermal. Reykjavík Geothermal

Jarðvarmafyrirtækið Reykjavik Geothermal og samstarfsaðilar hafa gert raforkukaupasamninga við eþíópíska ríkið sem hlaupa á hundruðum milljarða króna.

Þetta kemur fram í Fréttablaðinu í morgun. Í fréttinni segir að um sé að ræða tvær 150 megawatta virkjanir, Corbetti og Tulu Moye, og kostar hvor um sig um 600 milljónir dollara, eða rúmlega 86 milljarða króna. Orkukaupasamningurinn fyrir Tulu Moye hljóðar upp á 800 milljónir dollara, eða rúmlega 115 milljarða króna.

Hlutur Reykjavík Geothermal í þeim verkefnum sem um ræðir er um 40 prósent að meðaltali, eða 49 prósent í Tulu Moye og 30 prósent í Corbetti.

Guðmundur Þóroddsson, stjórnarformaður Reykjavík Geothermal, kveðst gera ráð fyrir að virkjanirnar verði komnar í fulla notkun árið 2025 eða 2026 og munu þær tryggja Eþíópíumönnum grunnafl. Mikið sé treyst á vatnsafl á svæðinu, sem sé bæði árstíðabundið og ótryggt.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


×