Viðskipti innlent

Bjarni skipar þrjá í fjár­mála­stöðug­leika­nefnd

Atli Ísleifsson skrifar
Seðlabankinn
Seðlabankinn Vísir/Vilhelm

Bjarni Benediktsson fjármála- og efnahagsráðherra hefur skipað þau Axel Hall, Bryndísi Ásbjarnardóttur og Guðmund Kristján Tómasson í fjármálastöðugleikanefnd sem tekur til starfa á þessu ári í samræmi við ný lög um Seðlabanka Íslands.

Ráðherra skipar þrjá sérfræðinga en ásamt þeim eiga þrír varaseðlabankastjórar sæti í nefndinni auk seðlabankastjóra sem er formaður.

„Verkefni fjármálastöðugleikanefndar eru talin upp í 13. grein laga um Seðlabankann. Þar segir m.a. að verkefni nefndarinnar séu að leggja mat á ástand og horfur í fjármálakerfinu, fjalla um og skilgreina nauðsynlegar aðgerðir og samþykkja stjórnvaldsfyrirmæli. Nefndarmenn eru skipaðir til fimm ára og skal nefndin funda að minnsta kosti fjórum sinnum á ár,“ að því er fram kemur í tilkynningu frá Seðlabankanum.

Vistaskipti Seðlabankinn


Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið