Maddie var drepin segir portúgalskur lögfræðingur

Madeleine McCann var nauðgað, hún myrt og líkinu hent í á innan tveggja sólarhringa frá hvarfinu. Þessu heldur portúgalskur lögfræðingur fram.

Marcos Correia segir að þessar upplýsingar hafi borist honum úr undirheimunum þremur dögum eftir að Madeleine hvarf.

Hann segir hinsvegar að lögreglan hafi ekki brugðist við þar sem hún hafi haldið að foreldrarnir, Kate og Gerry, væru invinkluð í málið.

Einkaspæjaraskrifstofa hjónanna Metodo 3 er nú að rannsaka þessar fullyrðingar lögfræðingsins en hann heldur því fram að líkinu hafi verið kastað í Barragem do Arade vatnið sem er skammt frá Praia da Luz þar sem fjölskyldan dvaldi.

„Lýsingin sem ég fékk passar fullkomlega við staðinn," segir lögfræðingurinn. Metodo 3 er einnig að rannsaka vísbendingar um að stúlka sem er lýst svipað og kærustu Roberts Murats hafi afhent manni barn í nálægum bæ tveimur dögum eftir hvarfið.

Talsmaður hjónanna segir málið í rannsókn en vildi ekki tjá sig um þessar fullyrðingar frekar.