Landsbankastjóri lýsir vonbrigðum með vaxtaákvörðun SÍ

Sigurjón Þ. Árnason landsbankastjóri segir að sú ákvörðun Seðlabankans að halda stýrivöxtum óbreyttum séu vonbrigði fyrir sig. "Ég ásamt mörgum öðrum átti von á að Seðlabankinn hæfi vaxtalækkunarferli sitt núna," segir Sigurjón.

Sigurjón segir að hann hafði vonast til að Seðlabankinn myndi lækka stýrivextina um 50 púnkta að þessu sinni. "Það má benda á að stærstu seðlabankar heimsins eins og í Bandaríkjunum og Evrópu hafa lækkað sína vexti að undanförnu," segir Sigurjón. "Því virkar ákvörðun Seðlabanka Íslands sem hækkun í stöðunni."