Smellpassa saman í plötusnúðabúrinu Gyða Lóa Ólafsdóttir skrifar 23. apríl 2016 10:30 Biggi Veira og Addi Exos lofa góðri stemningu í kvöld. Fréttablaðið/Pjetur Félagarnir og tónlistarmennirnir Arnviður Snorrason, betur þekktur sem Addi Exos, og Birgir Þórarinsson, betur þekktur sem Biggi Veira, sameina krafta sína á skemmtistaðnum Paloma í kvöld og efna til tónleika. Í gegnum tíðina hafa þeir nokkrum sinnum leitt hesta sína saman, nú síðast á Akureyri fyrir rúmum tveimur vikum. Báðir hafa þeir verið viðloðandi tónlistarbransann um talsvert skeið. Addi Exos hefur verið starfandi frá árinu 1997 og gefið út þrjár breiðskífur á þeim tíma. Í fyrra hóf hann samstarf með plötusnúðnum Ninu Kraviz og tók saman við plötuútgáfu hennar, ????. Biggi Veira er einna þekktastur fyrir störf sín með hljómsveitinni GusGus og einnig eru dj-sett hans vinsæl. Addi segir þá félaga smellpassa saman í plötusnúðabúrinu og því von á góðu fyrir tónlistarþyrsta á laugardagskvöld. „Við erum gott kombó þegar við spilum saman. Svona yin og yang og byggjum kvöldin vel upp. Við höfum tekið eitt og eitt skipti saman í gegnum árin og smellpössum saman í dj-búrinu,“ segir Addi léttur í bragði. Það er líka nóg um að vera hjá þeim félögum en eftir rúmar þrjár vikur gefur Addi út sína fyrstu plötu í tólf ár. Um EP-plötu er að ræða og ber hún nafnið Down Garden. „Þetta er bara dub techno eins og það gerist best," segir Addi þegar hann er beðinn um að lýsa tónlistinni. „Ég endurútgaf tvær af plötunum mínum í fyrra og þær seldust báðar upp. Svo er ég búinn að fá mikið af beiðnum og skilaboðum um að gefa út nýja plötu eftir þessa tólf ára bið. Eftir það er bara búið að pressa á mig úr ýmsum heimshornum og ég ákvað að keyra þetta í gang.“ Eingöngu er um vínylútgáfu að ræða, í það minnsta fyrst um sinn og segir Addi þann háttinn yfirleitt hafðan á þegar kemur að útgáfu dub techno-platna. „Það eru eiginlega svona fundamental trúarbrögð innan dub technosins að gefa bara út á vínyl. Hún kemur örugglega út á netinu líka eftir rúmlega ár en ég hef í gegnum tíðina selt betur á vínyl.“ Einnig er ný GusGus-plata á leiðinni – hún kemur út í byrjun næsta árs og Biggi vinnur nú að henni. Í lokin bætir Addi svo við að þeir félagar hyggi á frekara samstarf í framtíðinni og muni jafnvel skella í plötu saman. Frítt verður inn á tónleikana sem hefjast klukkan 23.00 á skemmtistaðnum Paloma í kvöld. Tónlist Mest lesið „Ef við erum lausnamiðuð þá sköpum við tækifærin“ Lífið Steinunn vill fá Ásdísi með sér í „Kynbombuflokkinn“ Lífið Bannaði Snorra að kjósa Arnar Þór Lífið Myndaveisla: Sjómannadagurinn í Reykjavík og Gummi Emil í koddaslag Lífið „Svo góð tilfinning að endurheimta sjálfa sig“ Tónlist Ofboðslega stolt af dóttur sinni Lífið Fékk að heyra að konur ættu ekki heima á sjó Lífið „Býr ekki lítil kerling innra með okkur öllum?“ Lífið Klæddu sig upp sem frambjóðendur Lífið Dóttir Jolie og Pitt vill ekki heita Pitt lengur Lífið Fleiri fréttir „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn Sjá meira
Félagarnir og tónlistarmennirnir Arnviður Snorrason, betur þekktur sem Addi Exos, og Birgir Þórarinsson, betur þekktur sem Biggi Veira, sameina krafta sína á skemmtistaðnum Paloma í kvöld og efna til tónleika. Í gegnum tíðina hafa þeir nokkrum sinnum leitt hesta sína saman, nú síðast á Akureyri fyrir rúmum tveimur vikum. Báðir hafa þeir verið viðloðandi tónlistarbransann um talsvert skeið. Addi Exos hefur verið starfandi frá árinu 1997 og gefið út þrjár breiðskífur á þeim tíma. Í fyrra hóf hann samstarf með plötusnúðnum Ninu Kraviz og tók saman við plötuútgáfu hennar, ????. Biggi Veira er einna þekktastur fyrir störf sín með hljómsveitinni GusGus og einnig eru dj-sett hans vinsæl. Addi segir þá félaga smellpassa saman í plötusnúðabúrinu og því von á góðu fyrir tónlistarþyrsta á laugardagskvöld. „Við erum gott kombó þegar við spilum saman. Svona yin og yang og byggjum kvöldin vel upp. Við höfum tekið eitt og eitt skipti saman í gegnum árin og smellpössum saman í dj-búrinu,“ segir Addi léttur í bragði. Það er líka nóg um að vera hjá þeim félögum en eftir rúmar þrjár vikur gefur Addi út sína fyrstu plötu í tólf ár. Um EP-plötu er að ræða og ber hún nafnið Down Garden. „Þetta er bara dub techno eins og það gerist best," segir Addi þegar hann er beðinn um að lýsa tónlistinni. „Ég endurútgaf tvær af plötunum mínum í fyrra og þær seldust báðar upp. Svo er ég búinn að fá mikið af beiðnum og skilaboðum um að gefa út nýja plötu eftir þessa tólf ára bið. Eftir það er bara búið að pressa á mig úr ýmsum heimshornum og ég ákvað að keyra þetta í gang.“ Eingöngu er um vínylútgáfu að ræða, í það minnsta fyrst um sinn og segir Addi þann háttinn yfirleitt hafðan á þegar kemur að útgáfu dub techno-platna. „Það eru eiginlega svona fundamental trúarbrögð innan dub technosins að gefa bara út á vínyl. Hún kemur örugglega út á netinu líka eftir rúmlega ár en ég hef í gegnum tíðina selt betur á vínyl.“ Einnig er ný GusGus-plata á leiðinni – hún kemur út í byrjun næsta árs og Biggi vinnur nú að henni. Í lokin bætir Addi svo við að þeir félagar hyggi á frekara samstarf í framtíðinni og muni jafnvel skella í plötu saman. Frítt verður inn á tónleikana sem hefjast klukkan 23.00 á skemmtistaðnum Paloma í kvöld.
Tónlist Mest lesið „Ef við erum lausnamiðuð þá sköpum við tækifærin“ Lífið Steinunn vill fá Ásdísi með sér í „Kynbombuflokkinn“ Lífið Bannaði Snorra að kjósa Arnar Þór Lífið Myndaveisla: Sjómannadagurinn í Reykjavík og Gummi Emil í koddaslag Lífið „Svo góð tilfinning að endurheimta sjálfa sig“ Tónlist Ofboðslega stolt af dóttur sinni Lífið Fékk að heyra að konur ættu ekki heima á sjó Lífið „Býr ekki lítil kerling innra með okkur öllum?“ Lífið Klæddu sig upp sem frambjóðendur Lífið Dóttir Jolie og Pitt vill ekki heita Pitt lengur Lífið Fleiri fréttir „Svo góð tilfinning að endurheimta sjálfa sig“ „Aldrei verið jafn stolt af mér“ Páll Óskar og Skrattar í fyrsta sinn á sama sviði „BOY BYE“ við þá röngu en „BOY HÆ“ við þann rétta Bauð pabba að syngja með sér um íslensku sumargaslýsinguna Bashar Murad kemur fram á endalokum LungA „Við ætlum bókstaflega að rífa þakið af húsinu“ Rífandi stemning og valdefldar tónlistarkonur Tónleikum Nicki Minaj aflýst vegna fíkniefnahandtöku Segir skásta staðinn í bænum í kirkjugarðinum Iceland Airwaves kynnir 22 ný bönd til leiks „Þægileg blanda af von og trega“ Kom fram sem stórstjarna „Drull sama hvað einhver apaköttur segir“ Laufey tók lagið hjá Jimmy Fallon „Svo hræðilega óyfirstíganlegt að ég þurfti að rífa plásturinn af“ „Þetta styrkti mig rosalega en þetta braut mig líka“ Gítarleikarinn Duane Eddy er látinn MANOWAR til Íslands í fyrsta sinn Sjá meira