Þórhallur rekinn frá Þrótti

Þórhalli Siggeirssyni hefur verið sagt upp störfum sem þjálfara Þróttar R.

Undir stjórn Þórhalls endaði Þróttur í 10. sæti Inkasso-deildar karla í sumar og bjargaði sér frá falli í lokaumferðinni.

Þórhallur tók við Þrótti um miðjan febrúar eftir að Gunnlaugur Jónsson hætti sem þjálfari liðsins.

Þróttur fékk 22 stig í Inkasso-deildinni í sumar, jafn mörg og Haukar, en héldu sér uppi vegna hagstæðari markatölu. Þróttarar unnu ekki í síðustu sjö leikjum sínum í sumar.