Shibuno náði forystunni á Opna breska með sex fuglum á síðustu níu holunum

Hinako Shibuno frá Japan er með tveggja högga forystu fyrir lokahringinn á Opna breska meistaramótinu í golfi, fimmta og síðasta risamóti ársins hjá konunum.

Shibuno lék frábærlega á seinni níu holunum í dag þar sem hún fékk sex fugla. Hún lék á fimm höggum undir pari í dag.

Hinako Shibuno started Round 3 three-shots back, but finished strong with a back-nine 30 to take a two-shot lead into Sunday's final round @AIGWBO.

Highlights >> pic.twitter.com/3eW67BsWeC

— LPGA (@LPGA) August 3, 2019

Sú japanska komst þar með upp fyrir Ashleigh Buhai frá Suður-Afríku. Hún var með þriggja högga forystu eftir fyrstu tvo hringina og náði mest fimm högga forystu í dag.

Öfugt við Shibuno gaf Buhai eftir á seinni níu holunum sem hún lék á þremur höggum yfir pari. Buhai var á pari í dag og er samtals á tólf höggum undir pari.

Sung Hyun Park frá Suður-Kóreu er þriðja á samtals ellefu höggum undir pari. Hún lék á fjórum höggum undor pari í dag.

Morgan Pressel frá Bandaríkjunum lék mjög vel í dag, eða á sex höggum undir pari. Hún er í 4. sæti á samtals tíu höggum undir pari ásamt löndu sinni, Lizette Salas, og efstu konu heimslistans, Jin Young Ko frá Suður-Kóreu.

Georgia Hall, sem vann Opna breska í fyrra, er í 27. sæti, tíu höggum á eftir Shibuno.

Hinako Shibuno - also known as the "Smiling Cinderella" fired a 5-under 67 during Round 3 @AIGWBO to finish with a 2-stroke lead heading into Sunday's final round.#NECLPGAStatspic.twitter.com/0nn5pmek4J

— LPGA (@LPGA) August 3, 2019

Bein útsending frá lokadegi Opna breska hefst klukkan 11:00 á Stöð 2 Golf á morgun.