Fótbolti

Indverjar að reyna að gera Víkingaklappið að sínu

Óskar Ófeigur Jónsson skrifar
Indverjar fagna marki í leiknum.
Indverjar fagna marki í leiknum. Vísir/Getty
Indverjar eiga kannski ekki mikið sameiginlegt með okkur Íslendingum en í fótboltanum eru landsliðsmenn Indlands samt farnir að fagna sigri eins og strákarnir okkar.

Indland vann flottan 4-1 sigur á Tælandi í fyrsta leik sínum í Asíubikarnum í gær eftir að staðan var jöfn í hálfleik. Asíubikarinn fer að þessu sinni fram í Sameinuðu arabíska furstadæmunum.

Indverjar skoruðu þrjú mörk í seinni hálfleik og byrja Asíubikarinn mjög vel. Þeir eiga síðan eftir að mæta Barein og heimamönnum í Sameinuðu arabíska furstadæmunum. Tvö efstu liðin komast áfram sextán liða úrslitin.

Sunil Chhetri, fyrirliði indverska liðsins, fór fyrir fagnaðarlátunum í leikslok og tók að sér heimsfrægt hlutverk Arons Einars Gunnarssonar eins og sjá má hér fyrir neðan.





Sunil Chhetri skoraði tvö marka Indlands í leiknum en hin mörkin skoruðu þeir Anirudh Thapa og Jeje Lalpekhlua. Allir leikmenn indverska landsliðsins spila í heimalandinu.

Íslenska landsliðið á náttúrulega engan einkarétt á Víkingaklappinu sem hefur farið sigurför um heiminn eftir að íslensku strákarnir gerðu það heimsfrægt með frábærum árangri sínum á Evrópumótinu í Frakklandi sumarið 2016.



Fótbolti

Mest lesið


Fleiri fréttir

Sjá meira


×

Mest lesið