Tvær frægar körfuboltakonur úr WNBA deildinni létu frysta eggin sín

Körfuboltakonurnar Sue Bird og Breanna Stewart vildu báðar ræða opinberlega þá ákvörðun sína að frysta eggin sín til að eiga möguleika á því að eignast börn eftir að körfuboltaferli þeirra líkur. Umræða um íþróttakonur og barneignir hefur opnast mikið á síðustu misserum og Washington Post fjallaði um þetta útspil tveggja af betri körfuboltakonum heims.

Sue Bird og Breanna Stewart eru samherjar hjá bæði Seattle Storm liðinu og bandaríska körfuboltalandsliðinu. Þær unnu Ólympíugull saman í Ríó 2016 og urðu WNBA-meistarar saman með Seattle Storm haustið 2018.

Það varð hins vegar ekkert úr síðasta ári þar sem þær duttu báðar út vegna erfiðra meiðsla. Þær Sue Bird og Breanna Stewart nýttu aftur á móti tækifærið og plönuðu barneignir í framtíðinni. Reyndar aðeins öðruvísi plön en hjá flestum.

“As an athlete, this is a big thing,” Sue Bird said. “Straight, gay, doesn’t matter. Your career is your body, and you need to keep your options open, in terms of starting a family." https://t.co/buEhPrYoST

— Post Sports (@PostSports) December 26, 2019

Sue Bird er kærasta Megan Rapinoe sem átti magnað ár með bandaríska landsliðinu í fótbolta og vann öll verðlaun á árinu 2019 sem nánast hægt var að vinna. Rapinoe vakti einnig heimsathygli fyrir að standa upp í hárinu á Trump Bandaríkjaforseta og að berjast af fullum krafti fyrir jafnrætti í sinni íþrótt.

Sue Bird meiddist illa á hné og þurfti að fara í aðgerð í maí. Þar með var ljóst að hún gæti ekki spilað með Seattle Storm á 2019 tímabilinu. Allt árið myndi fara í endurhæfingu með það markmið að koma sterkari til baka árið 2020.

Bird er orðinn 39 ára gömul og ákvað því að nýta þetta tækifæri og láta fyrsta eggin sín. „Það að vera komin í samband breytir hugsunarhætti þínum. Það er erfitt að sjá fyrir sér líf með börnum þegar við erum báðar atvinnuíþróttakonur en þá fór ég að hugsa: Ætti ég ekki að sjá til þess að ég hafi þennan möguleika opinn ef við viljum síðan eignast börn í framtíðinni? Það er nefnilega erfitt að sjá barn fyrir sér í okkar lífi núna því við gætum ekki einu sinni átt gullfisk saman núna,“ sagði Sue Bird.

Sue Bird hefur sett stefnuna á að vinna sitt fimmta Ólympíugull í Tókýó næsta sumar og þar verður líklega liðsfélagi hennar Breanna Stewart líka. Breanna Stewart, sem er fjórtán árum yngri, missti af 2019 tímabilinu eftir að hafa slitið hásin. Breanna Stewart fór í aðgerð í apríl en ákvað í framhaldinu að láta fyrsta eggin sín eins og Sue.

Þær ákváðu síðan báðar að tala um þetta opinberlega. Bird segir vilja hjálpa til að slíkt verði eðlilegur valkostur fyrir konur á framabraut sem hafa ekki tíma til að eignast börn akkúrat núna en vilja halda því opnu í framtíðinni.

Bird segist samt sjá eftir því að hafa ekki gert þetta fyrr á ævinni eins og Breanna Stewart er að gera. „Ég var að ræða við lækninn og hann sagði mér að ég væri með fullkomin egg núna af því að ég væri svo ung. Fólk gerir þetta ekki vanalega á mínum aldri. Núna á ég þessi egg fyrir framtíðina og ég ætla ekki að missa úr mikinn tíma á mínum ferli. Núna get ég einbeitt mér að ferlinum án þess að hafa áhyggjur af þessu,“ sagði Breanna Stewart.

Það má lesa meira um þetta hér.