Viðskipti erlent

Hættir við hótel í hjarta Nuuk vegna mótmæla

Kristján Már Unnarsson skrifar
Hótelinu var ætlað að rísa skammt frá Þjóðminjasafni Grænlands.
Hótelinu var ætlað að rísa skammt frá Þjóðminjasafni Grænlands. Mynd/Berjay Land Berhad.

Aðaleigandi Icelandair Hotels, malasíska hótelkeðjan Berjaya Corporation Berhad, hefur fallið frá áformum sínum um að reisa lúxushótel víð Nýlenduhöfn í Nuuk. Ástæðan er hávær mótmæli heimamanna gegn staðsetningunni í gamla bæjarhluta höfuðstaðar Grænlands, að því er fram kemur í Sermitsiaq

„Það er mikilvægt fyrir okkur að eiga gott samstarf við heimamenn í Nuuk. Það hafa margir mótmælt hótelverkefninu og við virðum það. Við höfum þessvegna óskað eftir því við bæjarfélagið að það finni annan stað þar sem við getum byggt lúxushótel,“ segir talsmaður hótelkeðjunnar, Alex Tan Ghee Keong, í viðtali við grænlenska miðilinn.

Nýi og gamli tíminn í Nuuk. Þjóðminjasafn Grænlands er í neðstu húsunum. Ofar má sjá nýleg ibúðarhús.Friðrik Þór Halldórsson

„Við höfum áhuga á því að koma okkur fyrir á Grænlandi og ég er sannfærður um að með okkar stóra tengslaneti í löndum Asíu getum við kynnt grænlenska menningu og laðað fjölda ferðamanna til landsins,“ útskýrir fulltrúi hótelrisans. 

Elsti bæjarhluti Nuuk er við Nýlenduhöfn. Hótelið átti að rísa við byggingar Þjóðminjasafns Grænlands, sem sjá má neðst, við fánastöngina.Stöð 2/Friðrik Þór Halldórsson.

Bæjaryfirvöld eru þegar byrjuð að leita að nýjum stað og vonast til að geta kynnt hinum malasískum fjárfestum nýja lóð í janúar. 

„Við höfum náttúrulega áhuga á að vera nálægt bæði Godthåbsfirði og bæjarkjarnanum. Það er mikilvægt að við séum staðsett í göngufæri við miðbæinn,“ segir Alex Tan.

Hótelbyggingin var teiknuð sem þríhyrningur á landfyllingu við Nýlenduhöfn.Mynd/Berjay Land Berhad.

Hann segir þetta þýða að arkitektarnir verði að byrja upp á nýtt svo hótelið falli að nýju umhverfi. Enn sé þó fyrirhugað að hótelið verði með um eitthundrað herbergi og veitingastað. 

Frétt Stöðvar 2 frá síðustu helgi um staðetninguna og hóteláformin má sjá hér:


Tengdar fréttir

Malasíski risinn gengur frá kaupunum á Geirsgötu 11

Dótturfélag malasísku fyrirtækjasamsteypunnar Berjaya Corporation, sem keypti í sumar 75 prósent hlutafjár í Icelandair Hotels, hefur gengið frá kaupum á fasteigninni að Geirsgötu 11 á Miðbakka við Gömlu höfnina í Reykjavík.






Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
5,15
11
38.105
HAGA
2,41
10
263.415
REGINN
1,58
7
459.461
SJOVA
1,4
11
121.916
LEQ
1,33
2
518

Mesta lækkun dagsins


Félag
Br.%
Fjöldi
Velta*
EIM
-1,94
10
182.919
SKEL
-1,92
1
306
MAREL
-1,12
17
251.703
SIMINN
-0,78
4
68.241
ARION
-0,19
29
918.872
Velkomin á Vísi. Þessi vefur notar vafrakökur. Sjá nánar.