Átti að fá milljón fyrir að flytja inn fjögur kíló af hassi

Lögreglan á Suðurnesjum handtók íslenskan karlmann á þrítugsaldri síðasta föstudag á Keflavíkurflugvelli. Tollverðir höfðu fundið fíkniefni í fórum mannsins; tæplega fjögur kíló af hassi sem maðurinn hafði komið fyrir undir fölskum botni í ferðatösku sinni. Þetta kemur fram í tilkynningu frá lögreglu á Suðurnesjum.

Maðurinn var að koma frá Spáni þegar hann var handtekinn. Hann játaði sök og kvaðst hafa átt að fá eina milljón króna fyrir að koma efninu inn í landið.

Málið er í rannsókn.