Handbolti

Oddur í annað sinn í liði umferðarinnar

Ingvi Þór Sæmundsson skrifar
Oddur skoraði níu mörk gegn Die Eulen Ludwigshafen.
Oddur skoraði níu mörk gegn Die Eulen Ludwigshafen. vísir/getty
Oddur Gretarsson, leikmaður Balingen-Weilstetten, er í úrvalsliði 14. umferðar þýsku úrvalsdeildarinnar í handbolta.

Oddur skoraði níu mörk úr tíu skotum þegar Balingen gerði jafntefli við Die Eulen Ludwigshafen, 25-25, í gær.

Akureyringurinn nýtti öll átta skot sín úr opnum leik og annað af tveimur vítaskotum sem hann tók.

Þetta er í annað sinn sem Oddur er í liði umferðarinnar á tímabilinu. Hann var einnig í úrvalsliði 10. umferðar. Hann skoraði þá átta mörk í sigri á Füchse Berlin, 31-30.

Oddur hefur skorað 50 mörk í 13 leikjum á tímabilinu. Hann er næstmarkahæsti leikmaður Balingen í vetur á eftir Svartfellingnum Vladan Lipovina.

Balingen er í 11. sæti þýsku deildarinnar með ellefu stig.




Tengdar fréttir




Fleiri fréttir

Sjá meira


×