Íslenski boltinn

Albert og Þórir í Fram

Henry Birgir Gunnarsson skrifar
Þórir ásamt Jóni Sveinssyni þjálfara.
Þórir ásamt Jóni Sveinssyni þjálfara. mynd/fram

Fram hefur fengið góðan liðsstyrk fyrir komandi átök í Inkasso-deildinni í knattspyrnu.

Framherjinn Þórir Guðjónsson er búinn að semja við félagið en hann kemur til liðsins frá Breiðablik. Áður lék Þórir með Fjölni. Hann er þó uppalinn Framari og því kominn aftur heim.

Hinn 28 ára gamli Þórir skrifaði undir tveggja ára samning við Safamýrarliðið.

Skagamaðurinn Albert Hafsteinsson er einnig kominn til Fram en þessi 23 ára gamli miðjumaður skrifaði undir þriggja ára samning. Hann hefur leikið með ÍA allan sinn feril.

Fyrir voru komnir þeir Ólafur Íshólm Ólafsson markvörður, Alexander Már Þorláksson sóknarmaður og varnarmaðurinn Gunnar Gunnarsson. Fram lék síðast í efstu deild árið 2014.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.