Stór jarðskjálfti í Suður-Frakklandi

Jarðskjálfti að stærð 5,4 reið yfir á Suður-Frakklandi í morgun. Jarðskjálftinn takmarkaðist við stórt svæði á milli borganna Lyon og Montelimar sem eru í um 150 kílómetra fjarlægð hvor frá annarri.

Einn slasaðist alvarlega þegar vinnupallar hrundu ofan á hann og aðrir þrír slösuðust lítillega.

„Ég hallaði mér upp að ofninum í bakaríi móður minnar þegar ég fann skjálftann,“ segir Victoria Brielle, íbúi í Privas sem er í um 25 kílómetra fjarlægð frá upptökum skjálftans.