Silja Dögg Gunnarsdóttir og Oddný Harðardóttir voru í dag kjörnar forseti og varaforseti Norðurlandaráðs en Ísland fer með formennsku í ráðinu 2020. Með þeim á myndinni eru fráfarandi forseti og varaforseti, Hans Wallmark og Gunilla Carlsson.norden.org/Magnus Fröderberg
Silja Dögg Gunnarsdóttir, þingmaður Framsóknarflokksins, var í dag kjörin forseti Norðurlandaráðs árið 2020. Hún kynnti formennskuáætlun Íslands á Norðurlandaráðsþingi sem lýkur í Stokkhólmi í dag. Þá var Oddný Harðardóttir, þingmaður Samfylkingarinnar, kjörin varaforseti ráðsins en Ísland tekur við formennsku af Svíþjóð.
Forsætisnefnd Norðurlandaráðs fer með æðsta ákvörðunarvaldið milli árlegra Norðurlandaráðsþinga en næsta þing mun fara fram í Hörpu í Reykjavík í lok október á næsta ári. Í ræðu sinni á þinginu í dag kynnti Silja Dögg þrjár áherslur Íslands í formennskutíð sinni.
„Að standa vörð um lýðræðið með því að berjast gegn upplýsingaóreiðu og falsfréttum sem grafa undan því, að standa vörð um líffræðilegan fjölbreytileika sem ógnað er af loftslagsbreytingum, mengun og fleiri þáttum sem rekja má til starfsemi manna, að treysta böndin milli Norðurlandabúa með því að efla tungumálakunnáttu innan Norðurlanda til að stuðla að því að þeir geti í sameiningu tekist á við þessi stóru verkefni,“ sagði Silja Dögg.
Silja Dögg Gunnarsdóttir kynnir formennskuáætlun Íslands í Norðurlandaráði fyrir árið 2020.norden.org/Magnus FröderberÞá hyggst ráðið undir formennsku Íslands leitast við að draga úr pappírsnotkun og gefa röddum ungs fólks meira vægi að því er fram kom í máli Silju Daggar. „Nú eru eflaust einhverjir, sérstaklega þeir sem áður hafa komið á Norðurlandaráðsþing, farnir að líta í kringum sig og leita að prentaðri útgáfu formennskuáætlunar Íslendinga í Norðurlandaráði. Ég verð að hryggja ykkur með því að tilkynna að þið munið ekki finna hana,“ sagði Silja Dögg. „ Við ætlum eftir fremsta megni að reyna að hafa formennsku Íslendinga 2020 pappírslausa. Við höfum því ekki prentað formennskuáætlunina,“ sagði Silja Dögg.
Áætlunina má kynna sér nánar hér en yfirskrift hennar er „stöndum vörð.“ Á sama tíma og Ísland tekur við formennsku í Norðurlandaráði lætur Ísland af formennsku í Norrænu ráðherranefndinni en Danir hafa tekið við keflinu á þeim vettvangi.
Katrín Jakobsdóttir forsætisráðherra kveðst skilja sátt við formennskutíð Íslands í Norrænu ráðherranefndinni sem er senn að ljúka. Hún auk annarra ráðherra og þingmanna sækir Norðurlandaráðsþing sem hefst í Stokkhólmi á morgun.
„Við tökum undir hennar ákvörðun. Við styðjum hana í þessu og vonum að forsætisráðherrarnir á Norðurlöndum taki þetta til sín og hætti að verðlauna okkur fyrir það sem við erum að gera og frekar vinna að því að breyta,“ segir Una Hildardóttir, formaður Landssambands ungmennafélaga.
Forsætisráðherrar Norðurlanda munu funda með fulltrúm yngri kynslóðarinnar á morgun en loftslagsmálin eru meðal þess sem eru þeim hvað helst hugleikin.
Tillaga um afnám klukkubreytinga í norrænum löndum er meðal þess sem liggur fyrir Norðurlandaráðsþingi sem hefst í dag. Anna Kolbrún Árnadóttir, þingmaður Miðflokksins, er meðal flutningsmanna tillögunnar en hún kveðst vongóð um að hún nái fram að ganga.
