Formúla 1

Verstappen á ráspól í Mexíkó

Ingvi Þór Sæmundsson skrifar
Verstappen sýndi góð tilþrif í tímatökunni í kvöld.
Verstappen sýndi góð tilþrif í tímatökunni í kvöld. vísir/getty

Max Verstappen á Red Bull verður á ráspól í kappakstrinum í Mexíkó annað kvöld, átjándu keppni ársins í Formúlu 1.

Ferrari-mennirnir Charles Leclerc og Sebastian Vettel urðu í 2. og 3. sæti í tímatökunni í kvöld.


Þetta er í annað sinn á ferlinum sem Verstappen nær ráspól. Hann var einnig fyrstur í tímatökunni fyrir ungverska kappaksturinn í sumar.

Heimsmeistarinn Lewis Hamilton á Mercedes varð fjórði í tímatökunni. Hann getur tryggt sér sinn sjötta heimsmeistaratitil annað kvöld.

Samherji hans á Mercedes, Valtteri Bottas, varð í 6. sæti. Mercedes-menn hafa ekki verið á rásspól í sjö keppnum í röð. Þetta er í fyrsta sinn í sex ár sem það gerist.

Bein útsending frá Mexíkó-kappakstrinum hefst klukkan 18:50 á Stöð 2 Sport á morgun.


Tengdar fréttir

Upphitun: Hamilton getur unnið titilinn um helgina

Lewis Hamilton er hársbreidd frá því að tryggja sér sinn sjötta heimsmeistaratitil í Formúlu 1. Takist honum að fá 14 stigum meira en liðsfélagi sinn, Valtteri Bottas, vinnur Bretinn titilinn í Mexíkó um helgina.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.