Innlent

Hækkun á styrk köfnunarefnisdíoxíðs í Reykjavík

Sylvía Rut Sigfúsdóttir skrifar
Heilbrigðiseftirlit Reykjavíkur fylgist náið með loftgæðum í borginni.
Heilbrigðiseftirlit Reykjavíkur fylgist náið með loftgæðum í borginni. VÍSIR/VILHELM

Styrkur köfnunarefnisdíoxíðs, NO2, er hár í borginni í dag samkvæmt mælingum í mælistöðinni við Grensásveg. Köfnunarefnisdíoxíðmengun kemur frá útblæstri bifreiða og er mest á morgnanna og í eftirmiðdaginn þegar umferð er mest. Samkvæmt upplýsingum á vef Reykjavíkurborgar er gert ráð fyrir áframhaldandi hægviðri í dag og umtalsverðar líkur á því að styrkur köfnunarefnisdíoxíðs fari yfir sólarhringsheilsuverndarmörk við Grensásveg. 

„Köfnunarefnisdíoxíð veldur ertingu í lungum og öndunarvegi.  Þeir sem eru viðkvæmir fyrir í öndunarfærum, og börn ættu að forðast útivist í lengri tíma og takmarka áreynslu í nágrenni stórra umferðargatna.“

Heilbrigðiseftirlit Reykjavíkur fylgist náið með loftgæðum í borginni og sendir frá sér viðvaranir og leiðbeiningar ef ástæða þykir til. Sólarhringsheilsuverndarmörkin fyrir köfnunarefnisdíoxíð eru 75 míkrógrömm á rúmmetra.  Farið var yfir sólarhringsheilsuverndarmörkin við Grensásveg í gær eða 76 míkrógrömm á rúmmetra.

Hægt er að fylgjast með styrk köfnunarefnisdíoxíðs (NO2) og annarra mengandi efna á síðunni loftgæði.is og má þar sjá kort yfir mælistaði. Önnur loftgæðafarstöð Heilbrigðiseftirlits Reykjavíkur er nú staðsett í nágrenni Egilshallar við gatnamót Fossaleynis og Víkurvegs. Hin farstöðin er við Njörvasund. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.