Sjáðu markið sem tryggði Víkingum bikarinn og rauða spjaldið sem Pétur fékk
Víkingur varð í kvöld bikarmeistari í fyrsta sinn í 48 ár og í annað sinn í sögu félagsins eftir 1-0 sigur á FH á Laugardalsvelli.
Óttar Magnús Karlsson skoraði eina mark leiksins úr vítaspyrnu á 58. mínútu. Pétur Guðmundsson dæmdi vítið eftir að Þórður Þorsteinn Þórðarson fékk boltann í höndina.
Tveimur mínútum síðar fékk Pétur Viðarsson rautt spjald fyrir að stíga á Guðmund Andra Tryggvason.
Ívar Orri Kristjánsson, fjórði dómari leiksins, virtist kveða dóminn upp og FH-ingar voru allt annað en ánægðir með hann.
Mark Óttars og rauða spjaldið sem Pétur fékk má sjá hér fyrir neðan.
Óttar Magnús skorar sigurmarkið
Pétur fær rautt spjald
Tengdar fréttir
Leik lokið: Víkingur - FH 1-0 | Víkingar bikarmeistarar í fyrsta sinn í 48 ár
Óttar Magnús Karlsson tryggði Víkingi sinn fyrsta bikarmeistaratitil síðan 1971.
