Eyþór Arnalds sló í gegn með rokkslagara á Sjallaballi
„Uss, hvað þetta var vel gert,“ skrifar Svanhildur Hólm við Instagram-færslu sína þar sem oddviti Sjálfstæðisflokksins í Reykjavík, Eyþór Laxdal Arnalds, sést syngja lagið Killing in the name með hljómsveitinni Rage Against the Machine af mikilli innlifun.
Sjallaballið fór fram á Hilton Reykjavík Nordica eftir flokksráðs- og formannafund Sjálfstæðisflokksins í gær. Stjórnin lék fyrir dansi og Bergur Ebbi skemmti viðstöddum með uppistandi. Veislustjóri kvöldsins var svo Logi Bergmann.
Eyþór er fjarri því að vera óreyndur skemmtikraftur en hann var einn stofnenda hljómsveitarinnar Todmobile. Hann er einnig lunkinn hljóðfæraleikari og meðal annars vakið athygli fyrir sellóleik sinn.
Í færslunni hér að neðan má sjá frammistöðu Eyþórs.
Oddvitinn í Reykjavík tryllti #sjallaball í gær með því að taka Killing in the name með Rage Against the Machine. Uss, hvað þetta var vel gertView this post on Instagram
A post shared by Svanhildur Holm Valsdottir (@svanhildurholm) on
Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.
