Íslenski boltinn

Svona standa KR-ingar eftir helstu túlkunum á titlatölfræði íslenska fótboltans

Óskar Ófeigur Jónsson skrifar
Óskar Örn Hauksson fagnar titlinum í gær.
Óskar Örn Hauksson fagnar titlinum í gær. Vísir/Bára

KR-ingar tryggðu sér Íslandsmeistaratitilinn í 27. skiptið á Hlíðarenda í gær og eru því komnir með fimm titla forskot á nágranna sína í Val á listanum yfir sigursælustu karlalið íslenska fótboltans.

KR-ingar unnu fyrsta Íslandsmeistaratitilinn sumarið 1912 og hafa síðan bætt reglulega við Íslandsmeistaratitlum fyrir utan þriggja áratuga svartnætti frá 1968 til 1999.

Í þessari tölu erum við að tala um alla Íslandsmeistaratitla, líka titla þegar deildin var aðeins skipuð örfáum liðum, spiluð var bara einföld umferð eða þegar Framarar unnu titilinn tvö ár í röð án þess að spila leik (1913-1914).

Sumarið 1918 kepptu í fyrsta sinn fjögur félög um Íslandsmeistaratitilinn þegar Víkingar reyndu sig á móti Fram, KR og Val. Fyrsta fimm liða sumarið var 1926 þegar Eyjamenn komu aftur inn eftir að hafa bara verið með 1912.

Deildin varð síðan fyrst sex liða liða deild sumarið 1946. Sjö lið voru fyrst í deildinni 1969 og ári síðar var deildin orðin átta liða. Deildin varð síðan að tíu liða deild 1977 og loks að tólf liða deild árið 2008.

Það er athyglisvert að skoða titlasöfnun félaga ef aðeins væri teknir með titlar frá ákveðnum tímamótum í sögu Íslandsmótsins. Þar erum við að tala um atburði eins og þegar Knattspyrnusamband Íslands var stofnað, deildarkeppni var tekin upp eða fyrst var spiluð tvöföld umferð. Fleiri tímamót eru einnig tekin með á listunum sem má sjá alla hér fyrir neðan.

Haustið 2003 fagnaði Sigursteinn Gíslason sínum níunda Íslandsmeistaratitli ásamt Magnúsi Sveini syni sínum. Vísir/einar Ólason

Flestir Íslandsmeistaratitlar:
1. KR    27
2. Valur    22
3. Fram    18
3. ÍA    18
5. FH    8
6. Víkingur R.    5
7. Keflavík    4
8. ÍBV    3
9. KA    1
9. Breiðablik    1
9. Stjarnan    1

Flestir Íslandsmeistaratitlar eftir stofnun KSÍ (1947-):
1. ÍA    18
2. KR    17
3. Valur    11
4. FH    8
5. Fram    6
6. Keflavík    4
7. Víkingur R.    3
7. ÍBV    3
9. KA    1
9. Breiðablik    1
9. Stjarnan    1

Flestir Íslandsmeistaratitlar eftir deildarskipting var tekin upp (1955-):
1. ÍA    15
2. KR    13
3. Valur    11
4. FH    8
5. Fram    5
6. Keflavík    4
7. Víkingur R.    3
7. ÍBV    3
9. KA    1
9. Breiðablik    1
9. Stjarnan    1

Flestir Íslandsmeistaratitlar eftir farið var að spila tvöfalda umferð (1959-):
1. ÍA    13
2. KR    12
3. Valur    10
4. FH    8
5. Fram    5
6. Keflavík    4
7. Víkingur R.    3
7. ÍBV    3
9. KA    1
9. Breiðablik    1
9. Stjarnan    1

ÍA varð Íslandsmeistari árið 1994 með þá Sigurð Jónsson, Ólaf Þórðarson og Mihajlo Bibercic innanborðs. Vísir/Brynjar Gauti

Flestir Íslandsmeistaratitlar í nútíma fótbolta (1977-):
1. ÍA    9
2. FH    8
3. KR    7
3. Valur    7
5. Fram    3
5. Víkingur R.    3
5. ÍBV    3
8. KA    1
8. Breiðablik    1
8. Stjarnan    1

Flestir Íslandsmeistaratitlar síðan þriggja stiga regla var tekin upp (1984-):
1. FH    8
2. KR    7
2. ÍA    7
4. Valur    5
5. Fram    3
6. ÍBV    2
7. Víkingur R.    1
7. KA    1
7. Breiðablik    1
7. Stjarnan    1

Rúnar Kristinsson, þjálfari KR, var tolleraður í gær. Vísir/Bára

Flestir Íslandsmeistaratitlar í tólf liða deild (2008-):
1. FH    5
2. KR    3
3. Valur    2
4. Breiðablik    1
4. Stjarnan    1

Flestir Íslandsmeistaratitlar eftir að Rúnar Kristinsson tók fyrst við KR (2010-):
1. KR    3
1. FH    3
3. Valur    2
4. Breiðablik    1
4. Stjarnan    1

FH-ingar urðu síðast Íslandsmeistarar sumarið 2016. Vísir/Þórdís

Flestir Íslandsmeistaratitlar á 21. öldinni (2000-):
1. FH    8
2. KR    6
3. Valur    3
4. ÍA    1
4. Breiðablik    1
4. Stjarnan    1



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.