Bíó og sjónvarp

Skrifa undir samninga um tvær leiknar þáttaraðir

Stefán Árni Pálsson skrifar
Svörtu Sandar og Magaluf.
Svörtu Sandar og Magaluf. Stöð 2

Stöð 2 hefur skrifað undir samninga um tvær leiknar sjónvarpsþáttaraðir í framleiðslu Glassriver.

Fyrri serían ber nafnið Svörtu Sandar í leikstjórn Baldvins Z. Um er að ræða magnþrungna glæpaseríu um dularfullt dauðsfall ferðamanns á Íslandi. Ung lögreglukona byrjar að rannsaka málið, en áttar sig ekki á því að hún er að flækjast inn í mun stærra mál sem teygir sig mörg ár aftur í tímann. Sagan eftir Ragnar Jónsson, Aldísi Hamilton og Andra Óttarsson.

Seinni serían ber nafnið Magaluf og er þar um að ræða gamanþáttaseríu um plötusnúð á skemmtistaðnum Hollywood í Ármúla árið 1979, sem ræður sig sem fararstjóra til Spánar til þess að endurheimta æskuástina. Serían er úr smiðju Ragnars Bragasonar, eins af höfundum Vaktaseríanna, skrifuð í samstarfi við Snjólaugu Lúðvíksdóttur og Magnús Leifsson sem jafnframt verður leikstjóri verksins. Steindi Jr. mun fara með aðalhlutverkið.

„Við erum gríðarlega spennt að skrifa undir þróunarsamninga um þessar tvær þáttaraðir sem eitt af mikilvægum skrefum okkar í stóraukinni sókn í framleiðslu á íslensku efni á Stöð 2,“ segir Þórhallur Gunnarsson framkvæmdastjóri Miðla Sýnar.

Þórhallur Gunnarsson, Baldvin Z og Jóhanna Margrét Gísladóttir, sjónvarpsstjóri Stöðvar 2.


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.