Forseti Indlans kominn til landsins

Forseti Indlands, Ram Nath Kovind, kom í morgun í opinbera heimsókn hingað til lands ásamt eiginkonu sinnu Savitu og öðru föruneyti.

Síðar í dag munu þau hitta Indverja búsetta hér á landi og á morgun hefst heimsóknin formlega með heimsókn á Bessastaði þar sem forseti Íslands tekur á móti forsetahjónunum.

Að því loknu skoðar forsetinn Háskóla Íslands og að því loknu er boðið til hátíðarkvöldverðar á Bessastöðum.

Á miðvikudag mæta forsetarnir á viðskiptaþing áður en haldið verður til Þingvalla.