Viðskipti innlent

Lögmaður Ballarin segir að víst sé unnið að samningum við Dulles-flugvöll

Kristín Ólafsdóttir og Nadine Guðrún Yaghi skrifa
Michele Ballarin er væntanleg aftur til landsins um leið og lausir endar kaupsamningsins hafa verið hnýttir, að sögn lögmanns hennar.
Michele Ballarin er væntanleg aftur til landsins um leið og lausir endar kaupsamningsins hafa verið hnýttir, að sögn lögmanns hennar. Vísir/getty

Lögmaður athafnakonunnar Michelle Ballarin segir að unnið sé að samningum við Dulles-flugvöll í Washington. Fulltrúar flugvallarinar séu spenntir fyrir því að hýsa heimahöfn WOW-air en ferðamálavefurinn Túristi hefur eftir fjölmiðlafulltrúum Dulles að flugmálayfirvöld á svæðinu þekki ekki til félaga sem tengjast Ballarin. Þá vonast hann til að greiðsluferlinu til þrotabús WOW air verði endanlega lokið í næstu viku.

Ballarin opinberaði áætlanir sínar um endurreisn WOW air í gegnum félagið US Aerospace Associates ViðskiptaMogganum í vikunni. Þar segir hún frá því að WOW verði fyrsta evrópska flugfélagið með höfuðstöðvar á Dulles-flugvelli í Washington.

Þá segir hún frá fundum sínum með flugmálayfirvöldum í bandarísku höfuðborginni og segir þau ótrúlega spennt fyrir komu WOW air. Þessar lýsingar Ballarin eru ekki í takt við þau svör sem ferðamálavefurinn Túristi.is segist hafa fengið hjá fjölmiðlafulltrúum Dulles.

Þar segir að flugmálayfirvöld Washington-svæðisins þekki ekki til US Aerospace Dulles eða félaga sem tengjast frú Ballarin. Þá segi jafnframt í svarinu að forsvarsfólk flugfélaga hafi reglulega samband við yfirvöld og lýsi yfir áhuga á að hefja flug til borgarinnar. Áþessari stundu liggi hins vegar ekkert fyrir um komu nýrra flugfélaga eða nýrra flugleiða til og frá Dulles.

Vonar að málinu verði lokað endanlega í næstu viku

Í skriflegu svari Páls Ágústs Ólafssonar, lögmanns Ballarin, við fyrirspurn fréttastofu segir aðþað sé rétt að yfirvöld á flugvellinum séu spennt fyrir því að hýsa heimahöfn WOW air. Unnið sé að samningum við flugvöllinn en upplýst verði um það nánar síðar.

Páll Ágúst Ólafsson, lögmaður Michele Ballarin.

Þá segir hann að US Aurospace Associates sé eignarhaldsfélag með heimilisfang á flugvellinum eins og til dæmis OASIS Aviation Group og fleiri félög tengd Ballarin. Aðspurður um stöðu mála á kaupum á eignum úr þrotabúi WOW Air segir Páll Ágúst að greiðsluferlið séí gangi. Hann vonist til þess að málinu verði lokað endanlega í næstu viku.

Hugmyndir Ballarin í takt viðáætlanir á Keflavíkurflugvelli

Á dögunum átti Ballarin fund með Sveinbirni Indriðasyni, forstjóra Isavia, til að„hittast og kynnast“, að sögn Guðna Sigurðssonar, starfandi upplýsingafulltrúi Isavia. Þá standi til að funda aftur með Ballarin á næstunni. „Hún var ánægð með þetta, þau áttu góðan fund,“ segir Guðni.

Forsvarsmenn Isavia hafi jafnframt tekið vel í fyrirætlanir Ballarin á Keflavíkurflugvelli. Í viðtali við ViðskiptaMoggann sagðist Ballarin vera áhugasöm um uppbyggingaráform Isavia á vellinum, meðal annars að byggingu landgangs frá aðalflugvellinum, til austurflugstöðvarbyggingarinnar, þannig að farþegar geti gengið beint frá borði inn í flugstöðina.

Sveinbjörn Indriðason, forstjóri Isavia, bauð Ballarin að funda aftur með forsvarsmönnum fyrirtækisins á næstunni. Nákvæm dagsetning fundarins liggur þó ekki fyrir. Vísir/Bjarni

Guðni segir að það sem Ballarin útlisti í viðtalinu sé hluti af framtíðaráætlunum Isavia um þróun Keflavíkurflugvallar.

„Þær eru í rauninni það sem kemur fram í „masterplani Isavia“ og það sem Sveinbjörn kynnti fyrir henni sem framtíðaráætlanir. Þetta eru bara áætlanir Isavia um framhaldið á vellinum.“

WOW-setustofan háð ýmsum ferlum

Ballarin setti einnig fram hugmyndir um byggingu sérstakrar WOW-setustofu á flugvellinum. Guðjón segir að þetta sé eitthvað sem eigi eftir að ræða nánar.

„Það er ferli varðandi það þegar fyrirtæki í flugtengdri starfsemi eða flugfélög óska eftir að byggja eða fá aðstöðu. Þá er það bara eitthvað sem fer í gang þegar það kemur formleg fyrirspurn um það.“

Enn sé ekkert formlegt í hendi, málið sé allt á viðræðustigi. Páll Ágúst segir segist vænta þess að Ballarin komi aftur til landsins, ásamt samstarfsfólki, strax í kjölfar þess að lausir endar í kaupsamningnum hafi verið hnýttir.

Fréttin hefur verið uppfærð.


Tengdar fréttir

Flugmálayfirvöld kannast ekki við fullyrðingar Ballarin um WOW Air

Bandaríska athafnakonan Ballarin hyggst endurreisa flugfélagið WOW Air í gegnum félagið US Aerospace Associates. Ballarin opinberaði áætlanir um veru flugfélagsins á Dulles flugvelli í viðtali við Viðskiptamoggann í gær og sagði þar frá fundum sínum með flugmálayfirvöldum þar í borg.

Ágreiningur varð til þess að greiðslur fyrir eignir úr þrotabúi WOW drógust

Ágreiningur um einn af nokkrum samningum vegna kaupa á eignum úr þrotabúi WOW air varð til þess að greiðslur á fyrsta samningnum drógust. Þetta herma heimildir fréttastofu en fullyrt er í Viðskiptamogganum að greiðslur fyrir eignirnar hafi enn ekki borist. Michele Ballarin, bandaríska athafnakonan sem hyggst endurreisa flugfélagið segist hafa tryggt félaginu sem hún kallar WOW 2 allt að hundrað milljónir Bandaríkjadala, eða um 12,5 milljarða íslenskra króna.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
0,78
4
241.107
HAGA
0,58
1
252
REITIR
0,33
4
31.487
ARION
0,25
3
15.919
REGINN
0,12
1
242

Mesta lækkun dagsins


Félag
Br.%
Fjöldi
Velta*
BRIM
-2,77
9
131.656
SKEL
-1,15
1
11.580
SYN
-0,94
4
25.388
FESTI
-0,59
1
25
VIS
-0,39
2
196
Velkomin á Vísi. Þessi vefur notar vafrakökur. Sjá nánar.