Elsku Ljónið mitt, þú ert svo litríkur og margbreytilegur að þú getur á örstundu breytt hlutunum þér í hag. Þegar þú ert tengdur í réttu flæði og hjá réttu fólki, þá getur enginn stoppað gleði þína, svo steinhættu alveg að láta þér detta það í hug að grafa einhverja holu þar sem þú sérð ekki lífið og lífið sér þig ekki.



Það er svo góð orka og bjartur vegur að bjóðast ykkur Ljónum yfir þessa mánuði og þú veist alveg hvað þú átt að gera til þess að klukka hamingjuna. Júlí og ágúst sýna þér með áhrifaríkum mætti hvers þú ert megnugur, þú munt hreinsa og henda óþarfa í kringum þig og byggja upp traust hjá þeim sem skipta máli og hjálpa þér að gera nýja samninga við þá sem þú þarft að semja við og það verður svo miklu auðveldara en þú getur ímyndað þér. En þú verður að taka fyrsta skrefið því það verður ekki bara bankað og þér boðnir samningar, þú þarft að gera eða „Just do it“ eins og Nike segir í slagorði sínu.



Það er að einfaldast hjá þér lífið og það sem þér fannst erfitt verður einhvern veginn miklu auðveldara og ný heimili eru í augsýn fyrir þá sem eru að leitast eftir slíku, en þeir sem eru ánægðir með sinn stað munu betrumbæta hann.



Þú getur átt það til að vera að dekra í þér letina, en þá skaltu muna að þú hefur góða samskiptahæfileika bara ef þú vilt það og ekkert ljómar eins mikið og þú þegar þú vilt töfra einhvern.



Næstu 90 dagar eru áhrifaríkasti tíminn á árinu og það glóir allt af tækifærum í kringum þig, en hver er sinnar gæfu smiður, svo taktu ábyrgð því þú hefur bæði afl og kraft til að gera það sem þú vilt, það er ekkert að stoppa þig. Þú þú hefur miklar áhyggjur af einhverju máli sem stækkar og stækkar í höfðinu á þér, svo stattu upp og taktu á því, það er eina leiðin til að sprengja það og þér verður svo létt þegar þú klárar það sem þú þarft.



Knús og kveðjur, þín Sigga Kling.

Ljón 23. júlí - 22. ágúst

Cara Delevingne fyrirsæta, 12. ágúst 

Ágústa Eva Erlendsdóttir, leik- og söngkona, 28. júlí 

Halldóra Geirharðsdóttir leikkona, 12. ágúst 

Birgitta Haukdal söngkona, 28. júlí 

Barack Obama Bandaríkjaforseti, 4. ágúst 

Ásdís Rán fyrirsæta, 12. ágúst 

Geir Ólafsson söngvari, 14. ágúst 

Þórunn Antonía alheimsstjarna, 28. júlí 

Albert Eiríksson, matgæðingur, 16. ágúst 

Jennifer Lopez söngkona, 24. júlí 

Diddú, 8. ágúst 

Arnór Dan, söngvari, Agent Fresco, 29. júlí 

Saga Garðarsdóttir, leikkona og grínisti, 6. ágúst 

Inga Sæland, 3. ágúst 

Sunneva Einarsdóttir, samfélagsmiðlastjarna, 7. ágúst 

Steingrímur J. Sigfússon, forseti Alþingis, 4. ágúst 

Valdimar Guðmundsson, söngvari, 7. ágúst