Viðskipti innlent

Bókunarþjónusta í 270 milljóna þrot

Stefán Ó. Jónsson skrifar
Fram til ársins 2017 rak Iceland Travel Assistance upplýsingamiðstöð við Aðalstræti.
Fram til ársins 2017 rak Iceland Travel Assistance upplýsingamiðstöð við Aðalstræti. FBL/anton

Kröfur í þrotabú bókunar- og upplýsingaþjónustunnar Iceland Travel Assistance, sem tekið var til gjaldþrotaskipta í mars á síðasta ári, námu rúmum 268 milljónum króna. Skiptum í búið lauk nú í júnílok og segir í Lögbirtingablaðinu að þeim hafi lokið með úthlutunargerð úr búinu. Alls hafa fengist næstum 3 prósent upp í forgangskröfur, eða rúmar 960 þúsund krónur, en að ekkert hafi fengist greitt upp í aðrar kröfur.

Iceland Travel Assistance sérhæfði sig í bókunum hjá öðrum fyrirtækum í íslenskri ferðaþjónustu. Fyrirtækið rak meðal annars Upplýsingamiðstöð ferðamanna við Aðalstræti í samstarfi við Reykjavíkurborg fram til ársins 2017, þegar Guide to Iceland hreppti samninginn. Af því tilefni flutti þjónustan í Ráðhús Reykjavíkur. Þegar mest lét rak ITA sex útibú í Reykjavík og voru starfsmenn á þriðja tug.

Guðmundur Ásgeirsson, sem yfirleitt er kenndur við skipafélagið Nesskip, á félagið Hlér ehf. sem fór með 100% eignarhlut í Iceland Travel Assistance. Síðasti aðgengilegi ársreikningur ITA sýnir að hagnaður félagsins árið 2016 hafi numið um 73 milljónum króna, eftir að hafa skilað 2 milljóna tapi árið áður. Tekjur félagsins voru alls 703 milljónir króna og jukust úr 518 milljónum árið áður. Hins vegar jukust útgjöld félagsins umtalsvert á milli sömu ára, eða úr 520 milljónum árið 2015 upp í 629 milljónir árið eftir.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
KVIKA
3,1
5
46.200
MAREL
3,07
22
584.666
REGINN
2,35
5
48.606
EIK
2,15
6
82.684
FESTI
2,14
10
143.706

Mesta lækkun dagsins


Félag
Br.%
Fjöldi
Velta*
ICEAIR
-0,72
12
29.385
Velkomin á Vísi. Þessi vefur notar vafrakökur. Sjá nánar.