Handbolti

Tilkynntur sem þjálfari Þórs en segist ekkert hafa verið ráðinn

Henry Birgir Gunnarsson skrifar
Geir Sveinsson með lið Akureyrar síðasta vetur.
Geir Sveinsson með lið Akureyrar síðasta vetur.

Einhver svakalegur misskilningur virðist vera í gangi á milli handknattleiksdeildar Þórs og þjálfarans Geirs Sveinssonar. Þór tilkynnti um ráðningu Geirs sem þjálfara í gær en Geir segist alls ekkert hafa ráðið sig sem þjálfara félagsins.

Geir tjáði mbl.is í morgun að fréttin væri einfaldlega röng. Það sé ekkert frágengið. Þess utan búi hann í Þýskalandi og ekki standi til að hann flytji heim.

„Ég er ekki að fara að verða þjálf­ari liðsins í þeirri mynd sem fyr­ir­sögn­in og allt seg­ir til um. Ég mun hins veg­ar aðstoða Hall­dór eft­ir bestu getu, vera hans ráðgjafi,“ seg­ir Geir í samtali við mbl.is í morgun. Geir var tilkynntur sem þjálfari ásamt Halldóri Erni Tryggvasyni sem samkvæmt Geir er þjálfari liðsins.

Þór á Akureyri mætir aftur til leiks í handboltanum næsta vetur þar sem hætt er að leika undir merkjum Akureyri handboltafélags fyrir norðan.

Akureyri féll úr Olís-deildinni síðasta vetur og Þór mun því spila í Grill 66-deildinni í vetur. Geir tók við liði Akureyrar um áramótin síðustu en náði ekki að halda liðinu í deildinni.




Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.