Fyrsti sigur Woodland á risamóti

Gary Woodland hrósaði sigri á Opna bandaríska meistaramótinu í golfi. Þetta var fyrsti sigur Bandaríkjamannsins á risamóti á ferlinum. Fyrir Opna bandaríska um helgina var besti árangur hans á risamóti 6. sætið á PGA meistaramótinu í fyrra.

U.S. OPEN CHAMPION!

Gary Woodland shoots 13-under to capture his first major title! #USOpenpic.twitter.com/IS1xHbaUM7

— U.S. Open (USGA) (@usopengolf) June 17, 2019

Woodland var með eins höggs forystu á Justin Rose fyrir lokahringinn. Rose náði sér ekki á strik í gær og lék lokahringinn á þremur höggum yfir pari.

Brooks Koepka, sem vann Opna bandaríska 2017 og 2018, byrjaði vel á lokahringnum og þjarmaði að Woodland.

Koepka fékk hins vegar aðeins einn fugl á seinni níu holunum og Woodland landaði sigrinum.

Bandaríkjamaðurinn lék á tveimur höggum undir pari í gær og samtals á 13 höggum undir pari, þremur höggum á undan Koepka.

Rose, Chez Reavie, Xander Schauffele og Jon Rahm voru jafnir í 3. sætinu á sjö höggum undir pari.

Tiger Woods lék á tveimur höggum undir pari í gær og endaði í 21. sæti.

1. Woodland -13

2. Koepka -10

T3. Schauffele -7

T3. Rahm -7

T3. Reavie -7

T3. Rose -7

Final leader board: https://t.co/LUYEHVuVeU#USOpenpic.twitter.com/CcYHDefoo8

— U.S. Open (USGA) (@usopengolf) June 17, 2019