Lífið

Sumarspá Siggu Kling – Sporðdrekinn: Sérð lífið í öðru ljósi

Sigga Kling skrifar

Elsku Sporðdrekinn minn, þú hefur svo mikla djúphygli, viðkvæmni og særanleika og átt það til að drukkna í eigin tilfinningum, en það er þinn valkostur. Þegar amstrið er alveg að kyrkja þig skaltu fara niður að sjó og henda því og það mun fara burt með næstu öldu.

Þú ert að leita að tilgangi lífsins og það gæti sko orðið ævilangt verkefni og þú ert svo hæfileikaríkur að það er þitt að ávaxta þá blessun. Þú ert að fara inn í tíma þar sem þú sérð lífið í öðru ljósi og opnar hjarta þitt, þá sjá aðrir líka hver í raun og veru þú ert, svo lærðu að treysta og hættu að búast við hinu versta.

Þú ert orðheppinn og fyndinn og eitthvað svo allt öðruvísi en allir hinir, en passaðu þig á að opna ekki fyrir tilgangslausa ástartengingu sem er flókin, falin og hættuleg, því það mun aldrei blessast heldur bíta líf þitt í tvennt.

Ástríðan þín í lífinu segir þér að fara þínar eigin leiðir, þó enginn samþykki þær sem getur verið mikill kostur því þú ert svo fylginn hjarta þínu og berst áfram fyrir því sem þú trúir á. Þar sem þú ert elskuleg og spennandi manneskja muntu svo sannarlega njóta þín þegar þú hefur fundið hina réttu ást, en þar sem þú efast alltaf um hvort þetta sé rétta ástin, þá bið ég þig um að hætta því og treysta hjarta þínu.

Þetta sumar færir þér meiri áskoranir og sjálfstraust en þú hefur áður fundið fyrir, það er svo margt að gerast sem þú tekur ekki einu sinni eftir, þú tekur réttar ákvarðanir í ástinni og hristir af þér af þér aðra vitleysu.

Næstu mánuðir gefa þér mikla uppskeru af öllu því sem þú hefur sáð, þér finnast hindranir vera á vegi þínum en það mun allt ganga, svo hugsaðu bara í þolinmæði því það mun allt smella saman þegar líða tekur á.

Kossar og knús, Sigga Kling.

Sporðdreki 23. október - 21. nóvember

Birkir Már Sævarsson, landsliðsmaður í fótbolta, 11. nóvember 
Helga Braga Jónsdóttir, leikkona, 5. nóvember 
Emmsjé Gauti, rappari, 17. nóvember 
Björk Guðmundsdóttir, tónlistarmaður, 21. nóvember 
Karl Bretaprins, 14. nóvember 
Hillary Clinton, stjórnmálamaður, 26. október 
Leonardo DiCaprio, leikari, 11. nóvember 
Magnús Scheving, frumkvöðull, 10. nóvember 
Hörður Ágústsson Macland snillingur, 24. október 
Sigríður María Egilsdóttir, varaþingmaður Viðreisnar, 1. nóvember 
Þorgerður Katrín Gunnarsdóttir, formaður Viðreisnar, 4. október 
Þórdís Kolbrún Reykfjörð Gylfadóttir, Dómsmálaráðherra, Ferðamála-, iðnaðar- og nýsköpunarráðherra, 4. nóvember 
Jón Jónsson, tónlistarmaður, 30. október 
Króli, tónlistarmaður, 2. nóvember 
Bergur Ebbi, grínisti, 2. nóvember



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.