Viðskipti erlent

Apple virðist vera að hanna samlokusíma

Þórgnýr Einar Albertsson skrifar
Finna má ný einkaleyfi fyrirtækisins á sveigjanlegu skjáefni, hjörum og öðru.
Finna má ný einkaleyfi fyrirtækisins á sveigjanlegu skjáefni, hjörum og öðru. VÍSIR/GETTY
Bandaríski tæknirisinn Apple virðist vera að hanna nýjan samlokusíma til þess að keppa við Samsung Galaxy Fold og aðra sambærilega samanbrjótanlega snjallsíma sem stærstu framleiðendur heims hafa kynnt að undanförnu. Frá þessu greindi tæknimiðillinn Tom‘s Guide í gær.



Apple hefur að undanförnu fengið fjölda einkaleyfa sem greinilega eru hugsuð fyrir samlokusíma. Finna má ný einkaleyfi fyrirtækisins á sveigjanlegu skjáefni, hjörum og öðru. Þá fékk Apple einkaleyfi á sveigjanlegri rafhlöðuhönnun í mars á síðasta ári.



Samkvæmt Tom‘s Guide má rekja þessa þróun í átt að samlokusímum til þess að hefðbundnir snjallsímar þykja ekki spennandi lengur. Það má sjá á sölutölum sem hafa ýmist staðið í stað eða hreinlega lækkað á heimsvísu að undanförnu. Og miðað við að neytendur horfa á sífellt meira myndefni á snjallsímum gæti samlokusími, með mun stærri skjá en hefðbundnir símar, reynst vel.



Tengd skjöl




Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
LEQ
0,06
1
499
ICEAIR
0
3
1.166

Mesta lækkun dagsins


Félag
Br.%
Fjöldi
Velta*
ORIGO
-0,96
1
169
ARION
-0,15
2
39.488
ICEAIR
0
3
1.166
Velkomin á Vísi. Þessi vefur notar vafrakökur. Sjá nánar.