Erlent

Forsætisráðherrann segir af sér eftir ósigur

Kjartan Kjartansson skrifar
Skvernelis ætlar að láta af embætti forsætisráðherra 12. júlí.
Skvernelis ætlar að láta af embætti forsætisráðherra 12. júlí. Vísir/EPA
Saulius Skvernelis, forsætisráðherra Litháens, segist ætla að segja af sér eftir að kjósendur höfnuðu honum í fyrri umferð forsetakosninga í landinu í gær. Búist var við því að Skvernelis yrði á milli sigurstranglegustu frambjóðenda en hann komst á endanum ekki í seinni umferð kosninganna.

Hagfræðingurinn Gitanas Nauseda hlaut flest atkvæði í fyrri umferðinni þegar búið er að telja hluta atkvæða. Fjármálaráðherann Ingrida Simonyte er önnur. Þau mætast í seinni umferð forsetakosninganna 26. maí.

Skvernelis hafði verið sannfærður um að hann kæmist í seinni umferðina. Hann ætlar nú að segja af sér sem forsætisráðherra í júlí, að sögn breska ríkisútvarpsins BBC.

„Það að mér mistókst að komast í seinni umferðinni er dómur yfir mér sem stjórnmálamanni,“ sagði hann.


Tengdar fréttir




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.