Þyrla Landhelgisgæslunnar flutti slasaða skíðakonu frá Siglufirði til Akureyrar síðdegis í dag. Samkvæmt upplýsingum frá lögreglunni á Norðurlandi eystra var tilkynnt um slysið upp úr klukkan eitt og sjúkrabíll tók við konunni á Akureyri á þriðja tímanum, þaðan sem henni var ekið á sjúkrahús. Mbl greindi fyrst frá.
Í nótt aðstoðaði þyrlan skipverja rækjutogarans Sóleyjar Sigurjóns, þegar hann varð vélarvana úti fyrir Norðurlandi, og var hún stödd á Akureyri þegar tilkynnt var um óhappið á Siglufirði. Konan hlaut axlarmeiðsli við byltuna, að sögn varðstjóra, en áverkarnir eru ekki taldir alvarlegir.
Slösuð skíðakona flutt með þyrlu
Tengd skjöl
Tengdar fréttir
Tveir skipverjar hífðir upp í þyrluna
Tveir skipverjar á rækjutogaranum Sóleyju Sigurjóns GK200, þar sem eldur kom upp á tíunda tímanum í gærkvöldi, voru hífðir upp í þyrlu Landhelgisgæslunnar eftir miðnætti í gær.
Hífa líklega hluta áhafnarinnar upp í þyrlu Gæslunnar
Þyrla Landhelgisgæslunnar, varðskip og björgunarsveitir voru kölluð út eftir að neyðarkall barst frá rækjutogaranum Sóleyju Sigurjóns GK200 á tíunda tímanum í kvöld. Eldur var laus í vélarúmi skipsins sem er statt um níutíu sjómílur norður af landinu en átta manns eru um borð.
