Sjáðu mörkin sem skutu Fylki áfram

Fylkir tryggði sér sæti í 16-liða úrslitum Mjólkurbikars karla í dag með naumum sigri á Gróttu í bráðfjörugum fótboltaleik.

Bæði lið fengu nóg af færum en það var Pétur Theódór Árnason sem kom fyrsta markinu í leikinn fyrir Gróttu eftir sex mínútna leik.

Arnór Gauti Ragnarsson jafnaði metin eftir mistök í vörn Gróttu stuttu seinna og var staðan jöfn í hálfleik.

Það var svo Arnór Gauti, sem kom til Fylkis í vetur, sem tryggði þeim appelsínugulu sigurinn á Würth-vellinum í Árbænum á 73. mínútu.

Grótta gafst ekki upp og átti sín færi til þess að jafna leikinn á ný en Fylkismenn héldu út og eru komnir áfram.

Mörkin úr leiknum má sjá í klippunni hér að neðan.