Erlent

Bruninn í Grenfell-turni: 32 milljarðar til að bæta öryggi háhýsa

Atli Ísleifsson skrifar
Alls fórst 71 maður í brunanum í Grenfell-turni í London þann 14. júní 2017.
Alls fórst 71 maður í brunanum í Grenfell-turni í London þann 14. júní 2017.
Breska ríkisstjórnin hefur samþykkt að leggja til 200 milljónir punda, um 32 milljarða króna, til að skipta út sérstaklega eldfimum klæðningum á háhýsum eftir að leigusalar á einkamarkaði hafa margir neitað að leggja fé í slíkar endurbætur.

Bruninn í Grenfell-turni í London fyrir tæpum tveimur árum hratt af stað umræðu í Bretlandi og víðar um öryggi í slíkum fjölbýlishúsum. Alls fórst 71 maður í brunanum.

Rannsókn yfirvalda leiddi í ljós að álklæðning hússins og plasteinangrun hafi leitt til þess að eldurinn dreifðist svo hratt sem raun bar vitni.

Síðustu misserin hafa bresk yfirvöld þrýst á fasteignaeigendur að skipta út slíkum klæðningum en árangur þess hefur verið takmarkaður. Hefur ríkisstjórn landsins því ákveðið að ráðstafa opinberu fé til að bæta öryggi í 170 háhýsum.




Fleiri fréttir

Sjá meira


×