Innlent

Aðeins fjórir mótmæltu hvalveiðum

Ari Brynjólfsson skrifar
Skiltagerð fyrir mótmæli hér á landi í mars.
Skiltagerð fyrir mótmæli hér á landi í mars. Fréttablaðið/Valli
Aðeins hafa verið haldin ein mótmæli við íslenskt sendiráð í kjölfar ákvörðunar Kristjáns Þórs Júlíussonar sjávarútvegsráðherra um að leyfa áframhaldandi veiðar á langreyði og hrefnu til ársins 2023. Þetta kemur fram í svari utanríkisráðuneytisins við fyrirspurn Jarðarvina. Samtökin sendu fyrirspurn þess efnis á sendiskrifstofur Íslands í London, París, Berlín og Washington DC.



Jarðarvinir, ásamt sjö öðrum félaga­sam­tökum, mótmæltu ákvörðuninni á Austurvelli í lok mars.



Fram kemur í svari utanríkisráðuneytisins að ekki hafi verið boðað til mótmæla við sendiráðin fjögur frá því sjávarútvegsráðherra undirritaði reglugerðina í febrúar síðastliðnum. Ráðuneytið veit af einum mótmælum. „Þann 26. mars voru mótmæli við íslenska sendiráðið í Stokkhólmi þar sem mættu fjórir mótmælendur.“



Sendiráðunum hafa borist samtals um 40 skeyti og símtöl vegna málsins, annars hafi ráðuneytið ekki orðið vart við gagnrýni eða mótmæli vegna hvalveiða.



Tengd skjöl




Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.