Viðskipti innlent

Verslanir Toys R' Us á Íslandi heyra brátt sögunni til

Atli Ísleifsson skrifar
Toys R' Us hefur rekið meðal annars verslun á Smáratorgi.
Toys R' Us hefur rekið meðal annars verslun á Smáratorgi. Vísir/Vilhelm
Nafni verslana Toys R‘ Us á Íslandi verður breytt í Kids Coolshop í næstu viku. Í tilkynningu frá aðstandendum Toys R‘ Us hér á landi segir að lokadagur Toys R' Us verði 24. apríl og opni verslanirnar undir merkjum Kids Coolshop daginn eftir.

Top Toy, móðurfélag Toys R´ Us, var úrskurðað gjaldþrota í desember síðastliðinn, en síðustu ár starfrækti fyrirtækið þrjár verslanir á Íslandi – á Smáratorgi, Kringlunni og Glerártorgi á Akureyri.

Kids Coolshop er dönsk netverslun með leikföng sem hefur að á síðustu mánuðum tekið yfir rekstur leikfangaverslana. Fyrirtækið tekur yfir reksturinn af Top Toy, dönsku móðurfyrirtæki Toys R´Us á Íslandi, sem fór á hausinn í lok síðasta árs.


Tengdar fréttir






Fleiri fréttir

Sjá meira


×