Viðskipti innlent

WOW air stöðvar allt flug

Stefán Ó. Jónsson skrifar
Vélar WOW fljúga ekki um Keflavíkurflugvöll í dag.
Vélar WOW fljúga ekki um Keflavíkurflugvöll í dag. FBl/Ernir

Allt flug WOW air til og frá landinu í dag hefur verið stöðvað. Á vef ISAVIA má til að mynda sjá að öllu flugi WOW um Keflavíkurflugvöll hefur verið aflýst í dag.

Þetta þýðir að engar vélar félagsins eru væntanlegar frá Bandaríkjunum eða Kanada í dag, auk þess sem vélar WOW munu ekki fljúga frá landinu. Enn virðist þó vera hægt að kaupa miða á vef flugfélagsins.

Í tilkynningu sem WOW sendi frá sér í nótt segir að gripið hafi verið til þessarar ráðstöfunar vegna þess að félagið sé á „lokametrunum við að klára hlutafjáraukningu við nýjan eigendahóp í félaginu.“ Allt flug hafi því verið stöðvað þangað til að þeir samningar verða kláraðir. 

Ekki er hins vegar tekið fram í skeyti WOW air hvað félagið telur sig þurfa langan tíma til að klára þessar viðræður, en að frekari upplýsingar séu væntanlegar klukkan 9. „Félagið þakkar farþegum fyrir stuðninginn og biðst velvirðingar á þeim óþægindum sem þetta veldur,“ segir í lok tilkynningarinnar.

Fréttastofu hafa borist fjölmargar ábendingar frá farþegum sem áttu flug með WOW í dag. Farþegar sem áttu bókaða heimferð frá Montreal með vélinni TF-JOY voru í morgun beðnir um að sækja farangur sinn aftur eftir að innritað sig í flugið. Þeir hafi ekki neinar upplýsingar fengið frá WOW, fyrr en að fyrrnefnd tilkynning barst frá félaginu í nótt.

Í meldingu sem farþegar á leið heim frá Tenerife fengu í morgun var aflýsingin sögð vera vegna „operational restrictions,“ sem þýða mætti sem rekstrartakmarkanir. Í meldingunni sagði að farþegunum biðist að fá miða sína endurgreidda að fullu eða fá sæti með næstu vél WOW. Hvenær sú vél fer í loftið mun væntanlega ekki liggja fyrir fyrr en klukkan 9, þegar vænta má frekari upplýsinga frá félaginu sem fyrr segir.


Tengdar fréttir

Mikill viðsnúningur í söluræðu Skúla

Viðskiptaáætlun til 2021 gerir ráð fyrir miklum viðsnúningi í rekstri félagsins. Lausafjárstaðan verði jákvæð um meira en milljarð í júní. Eigandi 51 prósents hlutar með forgang að arðgreiðslum. Indigo aftur fengið að borðinu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HEIMA
5,98
19
1.491.650
VIS
2,8
19
263.441
SIMINN
0,75
15
428.677
SJOVA
0,51
21
360.465
EIK
0,38
12
157.342

Mesta lækkun dagsins


Félag
Br.%
Fjöldi
Velta*
MAREL
-4,01
41
1.008.965
LEQ
-2,43
3
69.322
ICEAIR
-2,41
12
36.382
TM
-1,96
11
203.211
KVIKA
-1,94
7
168.078
Velkomin á Vísi. Þessi vefur notar vafrakökur. Sjá nánar.