Paris Jackson, fyrirsæta og dóttir Michael Jackson, hefur verið lögð inn á sjúkrahús eftir sjálfsvígstilraun. Að sögn heimildarmanna TMZ sem þekkja til fjölskyldunnar hefur Paris átt erfitt eftir að heimildarmyndin „Leaving Neverland“ kom út og segja hana hafa valdið þessu.
Í frétt TMZ kemur fram að lögregla var kölluð á heimili hennar klukkan 7:30 að staðartíma og var hún flutt á sjúkrahús stuttu síðar. Hún er sögð vera í stöðugu ástandi.
Eftir sýningu heimildarmyndarinnar hefur Paris haldið sakleysi föður síns fram þrátt fyrir að hafa ekki horft sjálf á myndina. Myndin hefur vakið mikið umtal og hefur meðal annars orðið til þess að ýmsar stöðvar hafa ákveðið að hætta að spila tónlist Jackson og sýna frá tónleikum hans, þar á meðal BBC og NRK.
Paris Jackson flutt í skyndi á sjúkrahús

Tengdar fréttir

BBC og NRK hætta að spila lög Michael Jackson
Heimildarmyndin Leaving Neverland verður frumsýnd síðar í vikunni.

Óhugnanlegar lýsingar á meintum kynferðisbrotum Jacksons í nýrri heimildarmynd
Í Leaving Neverland er rætt við þá Wade Robson og James Safechuck sem halda því báðir fram að Jackson hafi misnotað þá þegar þeir voru börn.

Lýsa grófum kynferðisbrotum Jackson í smáatriðum í nýrri heimildarmynd
Fyrri hluti nýrrar heimildarmyndar um meint kynferðisbrot tónlistarmannsins Michael Jackson var sýndur á sjónvarpsstöðinni HBO í gærkvöldi en síðari hlutinn verður sýndur í kvöld.