Sindri Sindrason setur einbýlishúsið í Skerjafirði á sölu

Sjónvarpsmaðurinn Sindri Sindrason hefur sett einbýlishús sitt við Baugatanga í Reykjavík á sölu  en um er að ræða 320 fermetra hús sem byggt var árið 1985.

Sindri hefur síðustu ár verið umsjónarmaður Heimsóknarþáttanna á Stöð 2 þar sem hann heimsækir Íslendinga sem eiga smekkleg og falleg hús víðsvegar um landið og þó víðar væri leitað.

Þrjú svefnherbergi eru í húsinu og þrjú baðherbergi. Eignin er á friðsælum stað og stendur húsið á eignarlóð í Skerjafirði við rúmgóðan botnlanga.

Fasteignamat eignarinnar er 136 milljónir en óskað er eftir tilboði. Sindri býr í eigninni ásamt eiginmanni sínum og dóttur.

Hér að neðan má sjá myndir af einbýlinu í Skerjafirði.