Lífið

29 milljarða slot í Beverly Hills

Stefán Árni Pálsson skrifar
Chartwell er í Bel Air hverfinu í Bandaríkjunum.
Chartwell er í Bel Air hverfinu í Bandaríkjunum.
Dýrasta hús Bandaríkjanna ber nafnið Chartwell og er staðsett í Beverly Hills í Bandaríkjunum. Húsið er metið á 245 milljónir dollara eða því sem samsvarar 29 milljörðum íslenskra króna.

Húsið er á rúmlega tíu hektara lóð og stendur það í hjarta Bel Air hverfisins. Húsið var upphaflega hannað af Sumner Spaulding árið 1930 en var húsið allt tekið í gegn að innan á áttunda áratuginum af innanhúsarkitektinum Henri Samuel.

Húsið er ógnarstórt en til að mynda er fimm herbergja gestahús við hliðina á höllinni. Við húsið er 25 metra sundlaug og 40 bíla bílskúr.

Einnig má finna vínkjallara sem tekur 12.000 flöskur en á YouTube-síðunni Tri-Blend Media er heljarinnar yfirferð um húsið sem er ekki á söluskrá. Hér að neðan má sjá myndband af Chartwell húsinu.






Fleiri fréttir

Sjá meira


×