Viðskipti innlent

Stofna formlega bygginga­fé­lag Sam­taka um bíl­lausan lífs­stíl

Sunna Kristín Hilmarsdóttir skrifar
Myndin sýnir hvernig hópurinn hugsar þétt lárétt fjölbýli sem er mögulegt þegar bíllinn fær minna rými.
Myndin sýnir hvernig hópurinn hugsar þétt lárétt fjölbýli sem er mögulegt þegar bíllinn fær minna rými. byggingafélag samtaka um bíllausan lífsstíl

Stofnfundur byggingafélags Samtaka um bíllausan lífsstíl verður haldinn næstkomandi laugardag klukkan 14:30 í Norræna húsinu.

Magnús Jensson, einn þeirra sem kemur að stofnun byggingafélagsins, segir að stefnt sé að því að kynna félagið betur fyrir almenningi en í framtíðinni er hugmyndin svo að stofna byggingasamvinnufélag um bíllaust hverfi í Reykjavík. Nú verði stofnuð frjáls félagasamtök með það að markmiði að stofna bæði húsnæðissamvinnufélag og byggingasamvinnufélag.

Byggingafélagið tók þátt í samkeppni um hagkvæmt húsnæði á vegum Reykjavíkurborgar í fyrra líkt og Vísir fjallaði um. Þá var sótt um að fá að byggja á lóðinni við Sjómannaskólann við Háteigsveg en félaginu bauðst lóð á Kjalarnesi sem það afþakkaði.

Aðspurður hvers vegna félagið vildi ekki byggja það segir Magnús að forsendur vistvænnar búsetu séu að vera miðsvæðis þar sem samgöngur séu helsti vistþátturinn. Því sé betra að vera miðsvæðis heldur en í útjaðri borgarinnar til að ferðatími sé styttri.
 
Magnús segir að nú sé unnið að því að búa til kynningarefni og sé stefnt á að vera með sýningu á Hönnunarmars síðar á árinu.

„Næsta skref er að kynna okkur betur fyrir almenningi þannig að fólk viti hvað við stöndum fyrir. Við stefnum líka á hópfjármögnun til að geta haldið áfram starfinu því nú erum við bara að vinna á örlitlum styrkjum,“ segir Magnús.
 
Hann segir að kynningarefnið verði ekki miðað við ákveðnar lóðir í borginni heldur gangi það meira út á það að kynna hugmyndafræðina á bak við bíllausa hverfið.

Magnús segir að allir séu velkomnir á stofnfund félagsins á laugardag og að skráning stofnfélaga standi nú yfir á netinu. Nánari upplýsingar má nálgast hér.

Tilkynning vegna stofnfundarins:

Stofnfundur byggingarfélags samtaka um bíllausan lífsstíl verður haldinn laugardaginn 19. janúar 2019 kl. 14:30 í Norræna húsinu.

Byggingarfélag samtaka um bíllausan lífsstíl hefur þróað skipulag og
húsa- og íbúðagerðir sem ná miklum þéttleika á fáum hæðum með því að takmarka forgang bifreiða.

Markmið félagsins er að fá reiti miðsvæðis og byggja á þeim á þessum forsendum. Verkefnið mun auka fjölbreytni á markaði og býður fram nýjan valkost í takt við kröfur nútímans. Í hverfinu verður hreinna loft, kyrrð og öryggi og  fjölbreyttur ferðamáti verður forsenda nærverslunar og menningarlegrar fjölbreytni.

Hverfið verður gróður- og veðursælt og mun hafa lágt kolefnisspor bæði í byggingu og rekstri auk þess sem álag á vegakerfi borgarinnar verður takmarkað. Hverfið mun vekja athygli ferðamanna og áhugamanna um bætta mannvist um allan heim.

Byggingarfélagið var 3 stigum (af 100) frá því að fá úthlutað byggingarreit við Sjómannaskólann í fyrra og mun kynna sína sýn og hönnun á Hönnunarmars 2019.


Tengdar fréttir

Bíllaus fagna tíu ára starfi

Samtök um bíllausan lífsstíl fagna í dag tíu ára afmæli. Af því tilefni verður haldinn afmælis­aðalfundur á Kexi Hosteli klukkan 17.30. Björn Hákon Sveinsson, formaður samtakanna, segir að fyrir tíu árum hafi þetta verið jaðarskoð



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
2,84
50
304.659
BRIM
0,9
4
13.951
REITIR
0,54
6
97.741
EIM
0,53
3
22.430
MAREL
0,49
15
329.308

Mesta lækkun dagsins


Félag
Br.%
Fjöldi
Velta*
ORIGO
-1,82
5
37.198
KVIKA
-1,49
6
94.217
ICESEA
-0,92
5
8.654
SYN
-0,91
3
26.200
HEIMA
-0,86
4
3.247
Velkomin á Vísi. Þessi vefur notar vafrakökur. Sjá nánar.