Innlit í tíu milljarða villu í Bel Air

Á YouTube-rásinni Architectural Digest má reglulega finna myndbönd þar sem þekkt fólk leyfir áhorfendum að kíkja í heimsókn og sjá heimili þeirra.

Stundum er einnig farið inn í hús sem eru komin á sölu en öll eiga þau það sameiginlegt að vera sérstaklega falleg.

Í nýjasta innslaginu má sjá innlit inn í villu sem staðsett er í Bel Air hverfinu í Los Angeles. Um er að ræða stórglæsilegt hús sem metið er á 88 milljónir dollara eða því sem samsvarar 10,5 milljarða íslenskra króna.

Ótrúlegt útsýni er yfir Los Angeles frá eigninni og má einnig finna falda bílalyftu þar sem biðreiðin kemur einfaldlega upp úr jörðinni.

Einnig má finna svokallaðan karlahelli eða Man Cave þar sem meðal annars geyma má 3000 rauðvínsflöskur.

Hér að neðan má sjá umfjöllun um húsið.