Emmsjé Gauti og Bríet í klifurgír á Ingólfstorgi

Emmsjé Gauti og Bríet minntu á áhættuleikara þegar tónlistarfólkið klifraði upp súlu við árlega opnun skautasvellsins á Ingólfstorgi á laugardaginn.

Auk fyrrnefndra var Aron Can mættur til að trylla lýðinn og var stemmningin góð eins og sést á myndunum.

Svellið verður opið allan desember ef frá eru taldir aðfangadagur og jóladagur.

Margrét Tryggvadóttir, forstjóri Nova sem stendur fyrir svellinu í samstarfi við Reykjavíkurborg og Orku Náttúrunnar í fimmta skipti, segir að heimsóknarmet hafi verið slegið um helgina.

Svo virðist sem svellið sé að festa sig betur og betur í sessi hjá borgarbúum.