Körfubolti

Cleveland jafnaði með stórleik LeBron

Ástrós Ýr Eggertsdóttir skrifar
LeBron James átti enn einn frábæra leikinn
LeBron James átti enn einn frábæra leikinn vísir/getty
LeBron James átti enn einn stórleikinn fyrir Cleveland Cavaliers þegar liðið jafnaði úrslitaeinvígi austurdeildarinnar í úrslitakeppni NBA deildarinnar í nótt. Cavaliers vann leikinn 111-102 og er staðan í einvíginu jöfn 2-2.

James skoraði 44 stig í leiknum ásamt því að taka fimm fráköst og gefa þrjár stoðsendingar. Heimamenn í Cleveland voru mun sterkari í fyrsta leikhluta og fóru með 34-18 forystu að honum loknum. Nokkuð jafnt var á með liðunum í öðrum leihluta og var staðan 53-68 fyrir Cleveland þegar liðin gengu til búningsherbergja í hálfleik.



 

Gestirnir frá Boston gerðu áhlaup í fjórða leikhluta knúnir áfram af Jaylen Brown sem var með 25 stig í leiknum. Leikmenn Boston dreifðu stigaskorinu nokkuð jafnt og voru allir leikmenn þeirra sem á annað borð skoruðu með tveggja stafa tölu í stigaskori. Þeir komust þó aldrei mikið nær en tíu stigum og Cleveland hélt sigurinn út.

Cleveland þarf nú að sækja sigur til Boston þar sem Celtics er ósigrað í úrslitakeppninni til þessa.

„Við vitum að stuðningsmenn þeirra eru mjög háværir og þetta er ekki vinalegt umhverfi. En við þurfum að vera með hausinn rétt stilltan og þá getum við unnið,“ sagði James eftir leikinn.

James bætti met Kareem Abdul-Jabbar í körfum skoruðum í úrslitakeppni NBA deildarinnar og náði sínum 25. leik á ferlinum í úrslitakeppni þar sem hann skorar að minnsta kosti 40 stig.





 

NBA

Mest lesið


Fleiri fréttir

Sjá meira


×

Mest lesið