Sumarmessan valdi bestu rúllurnar: „Tíföld skrúfa hjá Neymar“

Sumarmessan fór yfir bestu rúllurnar á HM til þessa í þætti sínum í gærkvöldi en margar stórkostlegar dýfur hafa átt sér stað til þessa.

„Ég tók saman mínar uppáhalds rúllur í mótinu. Þetta er tíföld skrúfa hjá Neymar sem ekkert margir eiga inni. Kannski Ospina gæti gert þetta,” sagði Hjörvar Hafliðason, sparkspekingur.

„Frábær rúlla. Tyrkinn hafði ekki áhuga á þessu en sjáiði hvað þetta er skemmtileg rúlla. Hann tekur þetta af miklum kviðstyrk,” bætti Hjörvar við og Gunnleifur Gunnleifsson var honum sammála.

Þetta sprenghlægilega myndband má sjá í sjónvarpsglugganum hér efst í fréttinni.