Studdu ekki brottrekstur forstjórans Hörður Ægisson skrifar 27. júní 2018 07:00 HB Grandi er eina sjávarútvegsfyrirtæki landsins sem er skráð í Kauphöllina og nemur markaðsvirði félagsins um 61 milljarði. Fréttablaðið/Anton Brink Tveir stjórnarmenn í HB Granda studdu ekki að Vilhjálmi Vilhjálmssyni yrði vikið úr starfi forstjóra á fimmtudaginn. Um er að ræða þær Rannveigu Rist, varaformann stjórnar, og Önnu G. Sverrisdóttur. Þetta herma heimildir Markaðarins. Aftur á móti ríkti samstaða í stjórn um að ráða stjórnarformanninn Guðmund Kristjánsson, aðaleiganda Brims sem keypti nýverið 34 prósenta hlut í útgerðinni, sem forstjóra HB Granda. Hann sagði starfi sínu lausu sem forstjóri Brims eftir ráðninguna. Magnús Gústafsson, fyrrverandi forstjóri Coldwater í Bandaríkjunum, tók við stjórnarformennsku í HB Granda af Guðmundi sem gekk úr stjórn félagsins. Rannveig og Anna töldu, samkvæmt heimildum blaðsins, að rétt væri að bíða með að ráða nýjan forstjóra að minnsta kosti þar til yfirtökutilboð Brims í HB Granda væri um garð gengið. Fjárfestar hafa frest fram á föstudag til að taka afstöðu til þess. Guðmundur taldi hins vegar æskilegt að það lægi fyrir hver yrði forstjóri útgerðarinnar á meðan yfirtökutilboðið væri enn í gildi til þess að það kæmi fjárfestum ekki í opna skjöldu. Hann var kjörinn í stjórn HB Granda og tók við sem formaður fyrir skemmstu, eða hinn 4. maí, í kjölfar kaupa Brims á kjölfestuhlut í útgerðinni af Vogun og Fiskveiðihlutafélaginu Venusi fyrir 21,7 milljarða króna í apríl síðastliðnum. Stærsti hluthafi fyrirtækjanna sem seldu bréfin er Kristján Loftsson. Sökum þess hve stóran hlut Brim keypti var því skylt að leggja fram yfirtökutilboð í HB Granda. Hluthafar sem eiga alls 90,5 prósenta hlut í HB Granda hafa skrifað undir samkomulag við Brim þar sem þeir staðfesta að þeir muni ekki ganga að yfirtökutilboðinu. Eignarhald félagsins þykir nokkuð þröngt miðað við skráð félag á hlutabréfamarkaði. Stærstu fimm hluthafarnir fara saman með 70,2 prósenta hlut og stærstu 20 ráða yfir 95,1 prósenti hlutafjár útgerðarinnar, samkvæmt hluthafalista. Þeir hluthafar sem Markaðurinn ræddi við segja að það muni ekki hafa áhrif á ákvörðun þeirra um að eiga áfram hlut í HB Granda að Guðmundur hafi tekið við sem forstjóri.Guðmundur Kristjánsson.Fréttablaðið/Anton BrinkTímasetningin kom á óvart Ráðningu Guðmundar bar brátt að og kom mörgum stórum hluthöfum í HB Granda á óvart, ekki síst í ljósi þess að hann hafði aðeins tæplega tveimur mánuðum áður verið kjörinn í stjórn sem formaður. Guðmundur á að hafa látið í það skína í samtölum við hluthafa að ekki stæði til á næstunni að ráða nýjan forstjóra í stað Vilhjálms. Þeir hafi hins vegar margir hverjir engu að síður átt von á því að nýr forstjóri yrði síðar fenginn að félaginu enda hafi Guðmundur ekki farið leynt með þau áform sín að vilja ná fram breytingum á rekstri fyrirtækisins. Þeir hluthafar gerðu þó fæstir ráð fyrir því að Guðmundur sjálfur myndi verða forstjóri fyrirtækisins. Að sögn þeirra sem standa Guðmundi nærri á hann hins vegar að hafa fljótt komist að því að það yrði erfiðara fyrir hann, sem stjórnarmann í skráðu félagi þar sem gilda reglur um samskipti stjórnar og forstjóra, að hrinda hugmyndum sínum í framkvæmd sem stjórnarformaður. Því væri líklegra til árangurs að taka að sér starf forstjóra til að ná skjótar fram þeim breytingum sem hann hefur talað fyrir. Fram hefur komið í tilkynningu frá HB Granda að áherslur hans séu einfaldur og sjálfbær rekstur, vöxtur og aukin arðsemi, öflugt samstarf á sviði markaðs- og sölumála og markviss nýting fiskveiðiheimilda. Guðmundur er umsvifamikill útgerðarmaður. Brim á þannig 3,5 prósent allra aflahlutdeilda og Ögurvík, sem er í eigu Brims, á 1,5 prósent. Hann á auk þess þriðjungshlut í Vinnslustöðinni sem á 4,4 prósent heildarkvótans. Fram hefur komið að með kaupum Brims á hlutnum í HB Granda stefni Guðmundur að því að auka samstarf og samvinnu á milli félaganna tveggja. Sérstaklega sé horft til markaðs- og sölumála í þeim efnum. Engin áform séu um að breyta aðalstarfsemi HB Granda, meginþáttum rekstrar og starfsmannahaldi félagsins eða starfsstöð. Á meðal hluthafa HB Granda, einkum í hópi lífeyrissjóða, óttast sumir að meiri líkur séu nú en áður á að persónulegir hagsmunir Guðmundar kunni að rekast á við hagsmuni HB Granda eftir að hann tók við starfi forstjóri.Vilhjálmur Vilhjálmsson.Fréttablaðið/GVALandsbankinn fjármagnaði kaupin Fram hefur komið í Markaðnum að skuldir Brims við Landsbankann nema orðið yfir 20 prósentum af eiginfjárgrunni bankans eftir að bankinn fjármagnaði 22 milljarða króna kaup sjávarútvegsfélagsins á ríflega þriðjungshlut í HB Granda. Bankinn er ekki reiðubúinn að lána Brimi fyrir kaupum á stærri hlut, samkvæmt heimildum Markaðarins, enda gæti þá áhætta hans gagnvart sjávarútvegsfélaginu fljótt farið yfir 25 prósenta leyfilega hámarkið sem kveðið er á um í reglum Fjármálaeftirlitsins. Frestur til að svara yfirtökutilboði Brims, sem hljóðar upp á 34,3 krónur á hlut, rennur út 29. júní. Þá fyrst kemur í ljós hve stóran hlut Brim þarf að kaupa til viðbótar. Ef allir þeir hluthafar sem hafa ekki skuldbundið sig til að selja, og eiga samtals um 9,5 prósenta hlut, ákveða að ganga að tilboði Brims þyrfti félagið að reiða fram um 6,5 milljarða króna til viðbótar. Afar ólíklegt er þó talið að svo stór hópur hluthafa muni samþykkja yfirtökutilboðið. Birtist í Fréttablaðinu Sjávarútvegur Tengdar fréttir 65 milljarða yfirtaka í pípunum þvert á vilja stærsta hluthafans Útgerðarfélaginu Brimi ber lagaleg skylda til yfirtökutilboðs í HB Granda, eftir að félagið keypti 34,1% eignarhlut Kristjáns Loftssonar og Halldórs Teitssonar í HB granda í viðskiptum upp á tæplega 21,7 milljarða króna á miðvikudag. 20. apríl 2018 06:00 Vilhjálmur hættir sem forstjóri HB Granda og Guðmundur tekur við Meirihluti stjórnar HB Granda ákvað á fundi í dag að ganga til samninga við Vilhjálm Vilhjálmsson, forstjóra, um starfslok hans hjá félaginu 21. júní 2018 16:18 Mest lesið Borgar 760 þúsund fyrir flísalögn sem átti að kosta þrjár milljónir Neytendur Skuldar þrotabúi föður síns fleiri milljarða Viðskipti innlent „Rétturinn til viðgerðar“ væntanlegur til landsins Neytendur Fyrsta íslenska grænkera ostagerðin í hættu Viðskipti innlent Pepsíunnandi til margra ára kveður drykkinn eftir breytinguna Neytendur Hefur óeðlilega þörf fyrir að strauja allt frá skyrtum í barnasamfellur Atvinnulíf 500 manns sóttu um störf hjá OCHE Reykjavík Viðskipti innlent Brimborg lækkar verð á Polestar Samstarf Að standa upp til að gera eitthvað og muna síðan ekkert hvað það var Atvinnulíf „Það sem þú greiðir niður, það kemur aldrei aftur“ Neytendur Fleiri fréttir 500 manns sóttu um störf hjá OCHE Reykjavík Fyrsta íslenska grænkera ostagerðin í hættu Skuldar þrotabúi föður síns fleiri milljarða Fleiri farþegar og betri nýting Gengu frá 135 milljarða samningi um endurfjármögnun skulda Fjárfesta fyrir þrjá milljarða í Reykjanesbæ og Hafnarfirði Ein og hálf milljón farþega á fyrstu fimm mánuðum ársins Ingibjörg Ösp yfir nýrri rekstrarráðgjöf Expectus Þrír nýir stjórnendur hjá Festi „Að fara í slag við þessa risa er nánast ómögulegt“ Fjórir sérfræðingar til liðs við Helix Vilhjálmur Hilmarsson nýr hagfræðingur Visku Heimtu hlutinn úr helju og verða stærstu einkafjárfestarnir Varar við þenslu á byggingamarkaði Ráðinn tækni- og þróunarstjóri Defend Iceland Bein útsending: Ásgeir og Arnór sitja fyrir svörum Þrálát verðbólga mun skapa áskoranir fyrir fjármálakerfið Ráðinn nýr framkvæmdastjóri hjá Landsneti Herða eftirlit með kínverskum verslunarrisa í leiftursókn Félag í eigu Quang Lé gjaldþrota Öfugþróun að minni verðmæti komi af hverjum ferðamanni „Viðskiptakonan“ sem komst á Bessastaði í annarri tilraun Samruninn hefði haft umtalsverð skaðleg áhrif Svarta sviðsmyndin blasir við ferðaþjónustunni í ár Icelandair hefur flug til Halifax á nýjan leik Tæplega sextíu sagt upp hjá Landvinnslu Þorbjarnar í Grindavík 441 sagt upp í sex hópuppsögnum Alls ekki auðveld ákvörðun að selja Bjórböðin Telja SKE hafa farið offari og hætta við kaupin Íslandsbanki greiðir 570 milljóna króna sekt Sjá meira
Tveir stjórnarmenn í HB Granda studdu ekki að Vilhjálmi Vilhjálmssyni yrði vikið úr starfi forstjóra á fimmtudaginn. Um er að ræða þær Rannveigu Rist, varaformann stjórnar, og Önnu G. Sverrisdóttur. Þetta herma heimildir Markaðarins. Aftur á móti ríkti samstaða í stjórn um að ráða stjórnarformanninn Guðmund Kristjánsson, aðaleiganda Brims sem keypti nýverið 34 prósenta hlut í útgerðinni, sem forstjóra HB Granda. Hann sagði starfi sínu lausu sem forstjóri Brims eftir ráðninguna. Magnús Gústafsson, fyrrverandi forstjóri Coldwater í Bandaríkjunum, tók við stjórnarformennsku í HB Granda af Guðmundi sem gekk úr stjórn félagsins. Rannveig og Anna töldu, samkvæmt heimildum blaðsins, að rétt væri að bíða með að ráða nýjan forstjóra að minnsta kosti þar til yfirtökutilboð Brims í HB Granda væri um garð gengið. Fjárfestar hafa frest fram á föstudag til að taka afstöðu til þess. Guðmundur taldi hins vegar æskilegt að það lægi fyrir hver yrði forstjóri útgerðarinnar á meðan yfirtökutilboðið væri enn í gildi til þess að það kæmi fjárfestum ekki í opna skjöldu. Hann var kjörinn í stjórn HB Granda og tók við sem formaður fyrir skemmstu, eða hinn 4. maí, í kjölfar kaupa Brims á kjölfestuhlut í útgerðinni af Vogun og Fiskveiðihlutafélaginu Venusi fyrir 21,7 milljarða króna í apríl síðastliðnum. Stærsti hluthafi fyrirtækjanna sem seldu bréfin er Kristján Loftsson. Sökum þess hve stóran hlut Brim keypti var því skylt að leggja fram yfirtökutilboð í HB Granda. Hluthafar sem eiga alls 90,5 prósenta hlut í HB Granda hafa skrifað undir samkomulag við Brim þar sem þeir staðfesta að þeir muni ekki ganga að yfirtökutilboðinu. Eignarhald félagsins þykir nokkuð þröngt miðað við skráð félag á hlutabréfamarkaði. Stærstu fimm hluthafarnir fara saman með 70,2 prósenta hlut og stærstu 20 ráða yfir 95,1 prósenti hlutafjár útgerðarinnar, samkvæmt hluthafalista. Þeir hluthafar sem Markaðurinn ræddi við segja að það muni ekki hafa áhrif á ákvörðun þeirra um að eiga áfram hlut í HB Granda að Guðmundur hafi tekið við sem forstjóri.Guðmundur Kristjánsson.Fréttablaðið/Anton BrinkTímasetningin kom á óvart Ráðningu Guðmundar bar brátt að og kom mörgum stórum hluthöfum í HB Granda á óvart, ekki síst í ljósi þess að hann hafði aðeins tæplega tveimur mánuðum áður verið kjörinn í stjórn sem formaður. Guðmundur á að hafa látið í það skína í samtölum við hluthafa að ekki stæði til á næstunni að ráða nýjan forstjóra í stað Vilhjálms. Þeir hafi hins vegar margir hverjir engu að síður átt von á því að nýr forstjóri yrði síðar fenginn að félaginu enda hafi Guðmundur ekki farið leynt með þau áform sín að vilja ná fram breytingum á rekstri fyrirtækisins. Þeir hluthafar gerðu þó fæstir ráð fyrir því að Guðmundur sjálfur myndi verða forstjóri fyrirtækisins. Að sögn þeirra sem standa Guðmundi nærri á hann hins vegar að hafa fljótt komist að því að það yrði erfiðara fyrir hann, sem stjórnarmann í skráðu félagi þar sem gilda reglur um samskipti stjórnar og forstjóra, að hrinda hugmyndum sínum í framkvæmd sem stjórnarformaður. Því væri líklegra til árangurs að taka að sér starf forstjóra til að ná skjótar fram þeim breytingum sem hann hefur talað fyrir. Fram hefur komið í tilkynningu frá HB Granda að áherslur hans séu einfaldur og sjálfbær rekstur, vöxtur og aukin arðsemi, öflugt samstarf á sviði markaðs- og sölumála og markviss nýting fiskveiðiheimilda. Guðmundur er umsvifamikill útgerðarmaður. Brim á þannig 3,5 prósent allra aflahlutdeilda og Ögurvík, sem er í eigu Brims, á 1,5 prósent. Hann á auk þess þriðjungshlut í Vinnslustöðinni sem á 4,4 prósent heildarkvótans. Fram hefur komið að með kaupum Brims á hlutnum í HB Granda stefni Guðmundur að því að auka samstarf og samvinnu á milli félaganna tveggja. Sérstaklega sé horft til markaðs- og sölumála í þeim efnum. Engin áform séu um að breyta aðalstarfsemi HB Granda, meginþáttum rekstrar og starfsmannahaldi félagsins eða starfsstöð. Á meðal hluthafa HB Granda, einkum í hópi lífeyrissjóða, óttast sumir að meiri líkur séu nú en áður á að persónulegir hagsmunir Guðmundar kunni að rekast á við hagsmuni HB Granda eftir að hann tók við starfi forstjóri.Vilhjálmur Vilhjálmsson.Fréttablaðið/GVALandsbankinn fjármagnaði kaupin Fram hefur komið í Markaðnum að skuldir Brims við Landsbankann nema orðið yfir 20 prósentum af eiginfjárgrunni bankans eftir að bankinn fjármagnaði 22 milljarða króna kaup sjávarútvegsfélagsins á ríflega þriðjungshlut í HB Granda. Bankinn er ekki reiðubúinn að lána Brimi fyrir kaupum á stærri hlut, samkvæmt heimildum Markaðarins, enda gæti þá áhætta hans gagnvart sjávarútvegsfélaginu fljótt farið yfir 25 prósenta leyfilega hámarkið sem kveðið er á um í reglum Fjármálaeftirlitsins. Frestur til að svara yfirtökutilboði Brims, sem hljóðar upp á 34,3 krónur á hlut, rennur út 29. júní. Þá fyrst kemur í ljós hve stóran hlut Brim þarf að kaupa til viðbótar. Ef allir þeir hluthafar sem hafa ekki skuldbundið sig til að selja, og eiga samtals um 9,5 prósenta hlut, ákveða að ganga að tilboði Brims þyrfti félagið að reiða fram um 6,5 milljarða króna til viðbótar. Afar ólíklegt er þó talið að svo stór hópur hluthafa muni samþykkja yfirtökutilboðið.
Birtist í Fréttablaðinu Sjávarútvegur Tengdar fréttir 65 milljarða yfirtaka í pípunum þvert á vilja stærsta hluthafans Útgerðarfélaginu Brimi ber lagaleg skylda til yfirtökutilboðs í HB Granda, eftir að félagið keypti 34,1% eignarhlut Kristjáns Loftssonar og Halldórs Teitssonar í HB granda í viðskiptum upp á tæplega 21,7 milljarða króna á miðvikudag. 20. apríl 2018 06:00 Vilhjálmur hættir sem forstjóri HB Granda og Guðmundur tekur við Meirihluti stjórnar HB Granda ákvað á fundi í dag að ganga til samninga við Vilhjálm Vilhjálmsson, forstjóra, um starfslok hans hjá félaginu 21. júní 2018 16:18 Mest lesið Borgar 760 þúsund fyrir flísalögn sem átti að kosta þrjár milljónir Neytendur Skuldar þrotabúi föður síns fleiri milljarða Viðskipti innlent „Rétturinn til viðgerðar“ væntanlegur til landsins Neytendur Fyrsta íslenska grænkera ostagerðin í hættu Viðskipti innlent Pepsíunnandi til margra ára kveður drykkinn eftir breytinguna Neytendur Hefur óeðlilega þörf fyrir að strauja allt frá skyrtum í barnasamfellur Atvinnulíf 500 manns sóttu um störf hjá OCHE Reykjavík Viðskipti innlent Brimborg lækkar verð á Polestar Samstarf Að standa upp til að gera eitthvað og muna síðan ekkert hvað það var Atvinnulíf „Það sem þú greiðir niður, það kemur aldrei aftur“ Neytendur Fleiri fréttir 500 manns sóttu um störf hjá OCHE Reykjavík Fyrsta íslenska grænkera ostagerðin í hættu Skuldar þrotabúi föður síns fleiri milljarða Fleiri farþegar og betri nýting Gengu frá 135 milljarða samningi um endurfjármögnun skulda Fjárfesta fyrir þrjá milljarða í Reykjanesbæ og Hafnarfirði Ein og hálf milljón farþega á fyrstu fimm mánuðum ársins Ingibjörg Ösp yfir nýrri rekstrarráðgjöf Expectus Þrír nýir stjórnendur hjá Festi „Að fara í slag við þessa risa er nánast ómögulegt“ Fjórir sérfræðingar til liðs við Helix Vilhjálmur Hilmarsson nýr hagfræðingur Visku Heimtu hlutinn úr helju og verða stærstu einkafjárfestarnir Varar við þenslu á byggingamarkaði Ráðinn tækni- og þróunarstjóri Defend Iceland Bein útsending: Ásgeir og Arnór sitja fyrir svörum Þrálát verðbólga mun skapa áskoranir fyrir fjármálakerfið Ráðinn nýr framkvæmdastjóri hjá Landsneti Herða eftirlit með kínverskum verslunarrisa í leiftursókn Félag í eigu Quang Lé gjaldþrota Öfugþróun að minni verðmæti komi af hverjum ferðamanni „Viðskiptakonan“ sem komst á Bessastaði í annarri tilraun Samruninn hefði haft umtalsverð skaðleg áhrif Svarta sviðsmyndin blasir við ferðaþjónustunni í ár Icelandair hefur flug til Halifax á nýjan leik Tæplega sextíu sagt upp hjá Landvinnslu Þorbjarnar í Grindavík 441 sagt upp í sex hópuppsögnum Alls ekki auðveld ákvörðun að selja Bjórböðin Telja SKE hafa farið offari og hætta við kaupin Íslandsbanki greiðir 570 milljóna króna sekt Sjá meira
65 milljarða yfirtaka í pípunum þvert á vilja stærsta hluthafans Útgerðarfélaginu Brimi ber lagaleg skylda til yfirtökutilboðs í HB Granda, eftir að félagið keypti 34,1% eignarhlut Kristjáns Loftssonar og Halldórs Teitssonar í HB granda í viðskiptum upp á tæplega 21,7 milljarða króna á miðvikudag. 20. apríl 2018 06:00
Vilhjálmur hættir sem forstjóri HB Granda og Guðmundur tekur við Meirihluti stjórnar HB Granda ákvað á fundi í dag að ganga til samninga við Vilhjálm Vilhjálmsson, forstjóra, um starfslok hans hjá félaginu 21. júní 2018 16:18